Salmos 147
147
Kjuasáye Díos kjuínki̱tsa chꞌan chjasin Jerusalén
1Chrokjuikosáyeheni Itꞌéni Díos,
jína chrótsjeni salmo kuènté Díos.
Náxrjón tsjikosáyeheni Díos.
2Itꞌéni Díos chꞌéna ínaá ti chjasin Jerusalén tsíkꞌóxika,
la tsjinki̱tsa chꞌan tsokjan ti sin Israel
sátsíkji ókjé chjasin.
3Díos nchekito̱he jína ti sin kꞌóxrjé a̱sén
la ko chꞌehe chꞌan xro̱a̱n ti sin tsíkóníhi.
4Jehe chꞌan mé ó nohe chꞌan nkekja̱ín ti konotsé siín
la ko kaín tíha tꞌíye̱xín chꞌan ihni̱é.
5Méxra̱ imá ijié ti kjuachaxin chónta Itꞌéni Díos kuènténi.
Nchónhña kjuachaxin chónta chꞌan.
Ti nkehe nohe chꞌan la tjeje̱hya.
6Itꞌéni Díos tjinki̱tsa ti sin nóa.
A̱ndá nchekꞌitjáña chꞌan ti sin jínahña tjenka̱yáxin.
7Chrotsjera chrókjuíkosáyehéra Itꞌéni Díos kuènténi.
Chrotsjekoára arpa chrókjuíkosáyehéra Díos.
8Díos mé tsꞌe̱to̱an tsꞌixin itji̱ nka̱jní.
Jehe chꞌan mé tjajon chꞌan kjuachaxin kixin
tsꞌaniá ichrin ti nonte
la nchekꞌánkí chꞌan nchónhña kayoa ti ijna̱.
9Jehe chꞌan tjajon chꞌan nkehe sinie ti iko
la ko nkehe sinie ti xje̱en ti kontálo
ti ó tsjánka va.
10Jehya ti tse̱he̱ ti koka̱te̱
la ko jehya ti tse̱he̱ ti chojni;
jehya tíha ti tóxríhi̱n Itꞌéni Díos.
11Díos la tóxríhi̱n chꞌan ti sin tjikosáyehe chꞌan
la ko ti sin tinkáchónki ti jehe chꞌan
la ko ti sin ó nohe kixin tjue̱he chꞌan ti jehe sin
12Ti jahara tjejora chjasin Jerusalén
chrókjuíkosáyehéra, Itꞌéni Díos.
Jahara tjejora chjasin Sión chrókjuíkosáyehéra Díos.
13Díos mé kjuínki̱tsa kixin tso̱tse̱he̱ ti puertá
ti jaha Jerusalén kixin
tsjachahya ti sin nínkaon tsꞌixehen ntiha
la ko jehe chꞌan kjuíncheñao ti chojni tjejó nkaxehen ntiha.
14Díos tjajon kjuaxróxin ti no̱nta̱a
la a̱ntsí náxrjón trigo kꞌónaha.
15Díos ichrꞌán itén chꞌan chjasintajni
la sátsji ti tan la tsitekaon chojni.
16Díos kjuínchekꞌaniá chrintá tjóá
la ko nchekꞌaniá chꞌan ichꞌa̱n chritaón kaxi éxi nteso.
17Díos nchekꞌaniá chꞌan toni
éxi ixro̱ ntsíntsí;
la ko jehe chꞌan tꞌe̱to̱an chꞌan kixin tso̱kin
hasta tókihin ti chojni.
18A̱ndá ti ó nixja Díos la chjéhe xri̱nto̱
la tsíkjatꞌanka ti chrintá
la sítinká ìnta̱.
19Díos la kjua̱ko̱he̱ Jacob
ti itan kuènté chꞌan
la ko kjua̱ko̱he̱ chꞌan ti sin Israel ti ley kuènté chꞌan.
20A̱ndá ti íso nación la xi̱kahña kjua̱ko̱he̱ chꞌan
la ko jehe sin kꞌuitjahya sin ti nkehe kꞌue̱to̱an chꞌan
¡Méxra̱ jeheni chrókjuikosáyeheni Itꞌéni Díos!
Currently Selected:
Salmos 147: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
