Salmos 146
146
Tsochjéheni Díos kjuasáya kixin ti ixra̱ kjuíchꞌe chꞌan
1Chrokjuikosáyeheni Itꞌéni Díos.
Tsjikosáyeheni Itꞌéni Díos kaín a̱séni.
2Tsjikosáyeheni Itꞌéni Díos ti na̱xa̱ tjechóni.
Tsotsjeni salmo kuènté Díos ti na̱xa̱ itjeni.
3Chrokjuénka̱yáxinhñara kixin ti chojni tꞌe̱to̱an chrókuaáxinra
la ko ti chojni siín chjasintajni, kixin ti jehe sin
xitjahya sinchekaá sin chojni.
4Ti ó itsꞌen sin la tsokjan sin tsꞌóna sin inche ínaá.
A̱ndá ti ña̱o a la ó ndáꞌó tsjeje̱xin ti nkehe
kjuénka̱yáxin sin.
5A̱ndá kjuaxróxin tjejó ti nkexro tjinki̱tsa ti Díos kuènté Jacob,
mé ti sin tinkáchónki Itꞌéni Díos.
6 #
Hch. 4:24; 14:15. *Kixin Díos mé kjuíchꞌéna ti nka̱jní
la ko ti chjasintajni la ko ti nda̱ñao la ko
kaín nkehe siín ntiha.
Nkochríxín nchexiteyá Díos kaín ti nkehe tsíndáchro chꞌan.
7Tjinki̱tsa chꞌan ti sin kjuasóte
la ko tjajon chꞌan nkehe sinie ti sin kꞌuénxin kjinta.
Nchekaá chꞌan ti sin tjejóchjina.
8Itꞌéni Díos mé nchekꞌikon ti sin tꞌikonhña.
Itꞌéni Díos tjinki̱tsa tsꞌàya ti sin tsíkꞌitsínka.
Itꞌéni Díos mé tjue̱he chꞌan ti sin jína.
9Jehe chꞌan tjinki̱tsa chꞌan ti sin tsíkji̱xi̱n ikjín
la ko ti sin nóa la ko ti sin tsíkókꞌán.
A̱ndá ti sin nduáhya ixri la tsꞌitjáña ti nti̱e sin.
10Itꞌéni Díos la nkochríxín tsꞌe̱to̱an
ti chjasin Jerusalén.
Díos kuènténi, mé ti Rey nkochríxín.
¡Chrokjuikosáyeheni Itꞌéni Díos!
Currently Selected:
Salmos 146: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
