Salmos 105
105
Ti kjuaxroan tsíkjasin Díos kjuínki̱tsa ti sin israelita
(1Cr. 16:8-22)
1Tsjíkosáyehéra Itꞌéni Díos.
Tsochro̱nkaxínra kixin Díos la jína.
Chrokjuáko̱xinra ti ixra̱ kuènté Díos kaín chjasin la ko kuenté chjasintajni.
2Chrotsjera salmo tsjíkosáyehéra Díos;
chróchro̱nkara kaín kjuaxroan kjua̱ko̱xi̱n chꞌan.
3Chrókócháhara kixin tinkachónkira ti ihni̱é Díos.
Chrókóchéhe̱ a̱sánra jahara xritjéyára Itꞌéni Díos.
4Chroxraxinkáonra kixin chónta Díos kaín kjuachaxin
la ko chrókjui̱chꞌera ti nkehe tóxríhi̱n chꞌan.
5Xráxinkaonra ti ixra̱ la ko ti kjuaxroan ijié kjuasin Díos
la ko xráxinkaonra ti nkehe kꞌue̱to̱an chꞌan.
6Jahara tsíkꞌaxrjeníxinra Abraham,
ti nkexro kꞌuékjichꞌehe ixra̱ Díos.
Jahara tsíkꞌaxrjeníxinra Jacob,
mé tsíkjeyá Díos ti jahara, méxra̱ tihínra.
7Díos mé Itꞌéni, Díos kuènténi,
la tꞌe̱tue̱hen chꞌan kuenté chjasintajni.
8Kjónté tsꞌatsínka ijnko mil nánó tsꞌitjáñehña Díos
ti nkehe tsíndáchro chꞌan.
9 #
Gn. 12:7; 17:8;
Gn. 26:3. *Mé ti tsíndáche Díos chꞌin Abraham kixin sincheñao ti jehe chꞌan
la ko ti nkehe tsíndáche Díos ti chꞌin Isaac.
10 #
Gn. 28:13. *Tíha mé kꞌuáyéhe̱ Israel éxi ijnko ley
kixin ti nkehe tsíndáche Díos Israel la tsjeje̱hya.
11Tsíndáchro Díos: “Tso̱tja̱há ti nonte Canaán,
la ko si̱ntaki̱to̱nhán tíha tsꞌóna no̱nta̱a.”
12Xi̱kaha tsíndáchro Díos, kjónté jehe sin la na̱xa̱ tsjéhya sin
la kꞌuéchóntahya sin nketí tsꞌejó sin.
13Mé kꞌuáji sin ijnko nación la íjnko;
la ijnko chjasin la ko íjnko chjasin.
14 #
Gn. 20:3-7. *Díos la kjuajonhña kjuachaxin
kixin ninkehó chrókuènhña sin,
la Díos nixje̱he̱ ti sin rey
15la ndáchro chꞌan:
“Jahara chrókjui̱nchekjasótehyara ti sin tsíkjéyá
la ko chrókjui̱chꞌehyara ninkehó nkehe jínahña
ti sin chronka itan kuénta̱na.”
16 #
Gn. 41:53-57. *Kjuajon Díos kjuachaxin kixin tso̱kjinta ti chjasin a,
la kjuínchekꞌitjáña chꞌan kaín nkehe sinie chojni.
17 #
Gn. 37:28; 45:5. *A̱ndá tsíchrꞌán Díos chꞌin José kuitónxin nti̱a,
ndá ti sin sa̱vé chꞌin José la kjuínchekji sin chꞌan kixin sichꞌexón chꞌan ixra̱.
18 #
Gn. 39:20—40:23. *Mé kjuakꞌe sin cadena to̱té chꞌin José,
la kjuákꞌechjina chꞌan
la kjuakꞌechroèxin sin chꞌan cadena.
19A̱ndá ó xiteyá ti nkehe tsíkꞌikon chꞌin José tsíchronka Díos
landá Díos kjua̱ko̱xi̱n kixin jína ti chꞌin José.
20 #
Gn. 41:14. *A̱ndá ti chꞌin rey Egipto, ijnko rey kꞌue̱tue̱hen nchónhña chojni,
mé kꞌue̱to̱an chꞌan kixin tsꞌaxrjexín chꞌin José ndo̱echjiso.
21 #
Gn. 41:39-41. *La ti chꞌin rey kjuajon kjuachaxin kixin ti chꞌin José tsꞌe̱to̱an chꞌan kaín ixra̱ ndo̱e ti rey
la ko tsꞌayakohen kaín nkehe chónta chꞌan.
22Chꞌin José kjua̱ko̱he̱ ti sin kjuínki̱tsa ti rey
kixin a̱ntsí chrókꞌuitja sin chrókónohe sin nkexrín sichꞌe sin ixra̱.
23 #
Gn. 46:6;
Gn. 47:11. *Ndá chrꞌéxi̱n ikui ti chꞌin Israel, mé ti chꞌin Jacob.
Kjuákꞌe chꞌan éxi ijnko chojni tsíkji̱xi̱n ikjín
ti nonte Cam chjasin Egipto.
24 #
Ex. 1:7-14. *La Díos kjuajon kjuachaxin kixin imá kótsjé ti sin Israel,
la a̱ntsí kꞌuéchónta sin kjuachaxin ke ti sin egipcio.
25Díos kjuajon kjuachaxin kixin ti sin egipcio
tso̱nínkakohen ti sin chjasin kuènté Díos
la ko sichꞌiyehe sin ti sin chꞌehe chꞌan ixra̱.
26 #
Ex. 3:1—4:17. *A̱ndá Díos ichrꞌán chꞌin Moisés la ko chꞌin Aarón,
mé ti nkexro tsíkjeyá Díos sichꞌehe chꞌan ixra̱.
27Jehe sin kjuasin sin itsjé kjuaxroan,
ti nonte Cam la ko chjasin Egipto.
28 #
Ex. 10:21-23. *Díos kꞌue̱to̱an kixin tsꞌixin tie nkuíxín ntiha,
kjánchó ti sin chjasin Egipto kuítekakonhña sin ti nkehe ndáchro Díos.
29 #
Ex. 7:17-21. *A̱ndá Díos kꞌue̱to̱an kixin ti nda̱río la tsꞌóna ijni̱
la ndá ikꞌuén kaín ti koche.
30 #
Ex. 8:1-6. *La ti chjasin ntiha la kꞌóna nchónhña korána
la kjónté chritaón ti cama kuènté ti rey la siín va.
31 #
Ex. 8:20-24;
Ex. 8:16, 17. *Níxja Díos la ikui nchónhña kochi̱se̱n, kochi̱se̱n yehye
la ko kochi̱se̱n ntsíntsí;
la kjuínchekꞌitjáña va ti nkehe siín chjasin Egipto.
32 #
Ex. 9:22-25. *A̱ndá ti chrókꞌuaniá ichrin la mé toni kꞌuaniá,
la chjéxin la iche kaín nkehe siín ntiha la kꞌuitjáña.
33Mé xi̱kaha Díos kjuínchekꞌitjáña ti inta to uva la ko ti inta to higo
la ko kaín inta yoa siín Egipto.
34 #
Ex. 10:12-15. *Ndá níxja Díos la xrína̱hña ikui itsjé kochjoá,
mé nchónhña iko hasta xitjahya tsꞌekini.
35Kjónie va kaín kayoa siín no̱nte̱e sin Egipto
la ko kaín nkehe siín ntiha.
36 #
Ex. 12:29. *A̱ndá Díos kꞌóñá kaín ti ixjan sa̱o
kuènté ti sin chjasin Egipto.
37 #
Ex. 12:33-36. *La chrꞌéxi̱n la Díos kuakitsje ti sin chjasin kuènté chꞌan
la sákjuíko sin oro la ko plata,
mé kaín sin la jína sákjuí sin la kohya nkexro kóníhi.
38A̱ndá ti sákjuí ti sin israelita la ti sin Egipto la kóchéhe̱ sin
kixin imá chráko̱nhe̱n sin ti jehe sin.
39 #
Ex. 13:21, 22. *Landá Díos kjuajon ijnko itji̱
kixin tsꞌejóyánkí ti sin chjasén chꞌan
la ko kjuajon chꞌan ijnko xrohi tsꞌinkaséñaxín ti sítie.
40 #
Ex. 16:2-15. *Kjuanchia sin nkehe sinie sin
ndá kꞌue̱to̱an Díos kꞌuínkaji̱nxi̱n nka̱jní
kochilíni la ko nio̱tja̱ kjónie sin la kókje̱he sin.
41 #
Ex. 17:1-7; Nm. 20:2-13. *A̱ndá ti itjo̱ mé xitje̱he̱ la kꞌuaxrje ìnta̱ sítinká
éxi ijnko nda̱río ti nte̱je̱ xámá ntiha.
42Mé xi̱kaha xráxinkaon Díos ti nkehe tsíndáche chꞌan ti chꞌin Abraham,
mé ti nkexro kꞌuékjichꞌehe ixra̱ ti jehe chꞌan.
43Mé xi̱kaha Díos kuakitsjexín Egipto ti sin chjasin
kuènté chꞌan, ti sin tsíkjeyá chꞌan,
la itsje sin chéhe̱ sin.
44 #
Jos. 11:16-23. *La kjuajon Díos no̱nte̱e ti sin ókjé nación kꞌuáyéhe̱ ti sin israelita
la ko kja̱xin kꞌuáyéhe̱ sin ti ixra̱ tsíkjichꞌe ti sin íso sin.
45Mé xi̱kaha kóhen kixin ndá chrókuitekaon sin ti nkehe tsíndáchro Díos
la ko chrókjuinchexiteyá sin ti nkehe kꞌue̱to̱an chꞌan.
¡Méxra̱ chrókjuíkosáyehéra Itꞌéni Díos!
Currently Selected:
Salmos 105: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
