1 Corintios 5

Ijnko chojni chónta íjnko chojnichjin

1 # Dt. 22:30. *Kaín chojni chronka kixin ijnko ti jahara la chontara ti nájo̱anra éxi ichjiánra. Ndá tíha la ijnko ijie̱ imá ijié, kixin kjónté ti sin tinkáchónkihya Díos la xi̱kahña ichꞌe sin. 2A̱ndá jahara, la kjónté xi̱kaha siín la imá ihnkera. Ícha jína chrókósuàhara la chrókuakítsjexínra ni̱nko ti nkexro a. 3Janhan, kjónté tjénhña ntiha, la éxi itjén xi̱kaha la nona nkehe sítóhen, la ndáxrja̱n kixin ó kjuixin kjuénka̱yáxian nkexrín tsjasóte ti nkexro xi̱kaha kjuíchꞌe. 4Ti ó tónkotséra kaínra kjuachaxíen ihni̱é Ìnchéni Jesucristo la xráxinkaonra kixin éxi kja̱xin janhan itjén ti tjejora, 5la chje̱héra ti Jínahña ti nkexro a kixin tsjasóte ti cuerpo kuènté chꞌan. Ndá ti ó tsokjan Ìnchéni Jesús la tsaá ti a̱sén chꞌan.

6 # Gá. 5:9. *A̱ndá jahara chrókjui̱nchenkehyara kixin ti nkehe sítóhen ntiha. ¿Á noahñara kixin ti ichꞌo, la kjónté tjiko ntsíkoá ti nkehe tꞌánkíxin nio̱tja̱, la kaín ti ichꞌo la tꞌánkí ní? 7#Ex. 12:5.*Méxra̱ ti̱to̱héra ti nduáhya ichꞌera, takítsjera kaín ti nkehe tꞌánkíxin nio̱tja̱ ó ndaxin, ndá xi̱kaha tsꞌónara éxi ti ichꞌo ni̱xin, tjóá, chóntahya ti nkehe tsꞌánkíxin, la xi̱kaha tsꞌónara éxi ti nio̱tja̱ inie sin ti ña̱o Pascua, la Ìnchéni Jesucristo mé éxi ti kolélo tꞌóñá sin ti ña̱o Pascua kixin xi̱kaha kjuasóteyákohe̱n chꞌan ti jeheni. 8#Ex. 13:7; Dt. 16:3.*Méxra̱ í tsjasinhñani ijie̱ kixin tíha la éxi ti nkehe ndaxin tꞌánkíxin nio̱tja̱ la nchekꞌitjáña kuenté ti ichꞌo. A̱ndá ti tsíto̱heni ti ijie̱ la tsꞌónani ijnko chojni ni̱xin la ko kaín a̱séni tsjasini ti kia Pascua éxi ti nio̱tja̱ chóntahya ti nkehe tꞌánkíxin.

9Ti íjnko xroon chrꞌahánra senó la ndáxrja̱n kixin chrókꞌuitonhñara ninkehó ti chojni tjasin ijie̱ chónta ókjé chojnichjin jehya ichjién. 10La jehya ndáxrja̱n tíhi kixin chrókꞌuitonhñara ninkehó ti sin chjasintajni tjasin ijie̱, chónta ókjé chojnichjin, ti sin tjinkaon jehó tsochónta itsjé nkehe, ti chojni teé, la ko ti chojni tinkáchónki nkehe tsíkjano̱ña. Náhí. Kixin ti xi̱kaha la kjá ticháxi̱n chrókꞌuaxrjexinra chjasintajni. 11Ti nkehe ndáxrja̱n la kixin chrókꞌuitonhñara ti chojni ndáchro kixin tinkáchónki Díos, ndá na̱xa̱ tjasin ijie̱, chónta chojnichjin ókjé, jehya ichjién, tjinkaon jehó tsochónta itsjé nkehe, tinkáchónki nkehe tsíkjano̱ña, chꞌéna kjuachꞌia, tókoan, la ko teé, ti chojni xi̱kaha ichꞌe la ni chrókjontekoáhyara. 12#Dt. 13:5; 17:7.*Jehya ixra̱ kuénta̱na si̱ntaki̱to̱axian ti ijie̱ kuènté ti sin tinkáchónkihya Díos. A̱ndá jahara la ticháxi̱n si̱nchekito̱exínra iji̱é ti sin kíchóni tónkotsé ti ni̱nko. 13Díos mé sinchekito̱exín iji̱é ti sin tinkáchónkihya ti jehe chꞌan. Méxra̱, jahara la takítsjexinra ti nkexro kjuasin ijie̱ ti ni̱nko tjejora.

Currently Selected:

1 Corintios 5: poeNTplus

Highlight

Copy