Zakaráya 13

Ọsafu iwhe-dụ-ẹji

1“Nteke ono bẹ l'aa-gụharu ọzo-ụlo Dévidi yẹle ndu bu lẹ Jerúsalẹmu ẹnya-mgba-mini ghebe iya ọnu t'ọ safụ whẹ iwhe-dụ-ẹji yẹle mmerwu, dụ whẹ l'ẹhu. 2Nteke ono bẹ mu l'e-hufu ẹwha agwa, nọ l'alị ono nke ọwhu l'ẹte anyatajẹhe iya anyata ọdo. O nokwa iwhe Onye-Nwe-Ọha bụ Onye-ishi-igwe-ọgu l'ekfu ndono. Ndu ono, sụru lẹ whẹ bụ ndu nkfuchiru Chileke bẹ mu l'e-wofu, wofu ejo maa bu l'alị ono. 3O nweru onye -fụtaru sụ lẹ ya bụ onye nkfuchiru Chileke, nna iya lẹ ne iya bụ iya bụ ndu nwụru iya nụ asụ iya: ‘Ịi-nwụhukwa, o noo nkele i gude ẹwha Onye-Nwe-Ọha adzụ ejire.’ Onye ọbu nmata ẹka kfuchilahaaru Chileke, tẹ nna iya lẹ ne iya bụ ndu nwụru iya nụ nmagbua ya. 4O rwulewho nteke ono bẹ iwhere l'e-gudeje onye sụru lẹ ya bụ onye nkfuchiru Chileke l'ụdu iwhe l'ọo-nọ awhụkaa lẹ nkfuchiru iya ọbu. Oo-yebuhu uwe ẹji ẹji ono o gude eduwhushi madzụ sụ lẹ ya l'ekfuchiru Chileke. 5Iwhe l'oo-gbechia wata ekfukfu bụ lẹ ya ta abụkwa onye nkfuchiru Chileke, lẹ ya bụkwa onye l'akọ okfu. Ọ bụru omebe iwhe l'alị bẹ ya gude buru eshi nteke ya bụ nwokoro. 6O nweru onye jịru iya sụ iya: ‘?Ọnya ọwa, tụkoru ghu okpurukpu narụ bụ gụnu?’ Ya asụ iya: ‘Ọ kwa ẹka e mekaru mu iwhe l'ibe ọnya mu.’

Onye l'eche atụru b'e chiru iwhe, atụru iya gbakashịhu

7“Gụbe ogu-ịgba, zhilihu je etso onye ono l'eche atụru mu ono ọgu, je etso onye ono, nọ mu ntse ọgu.” O nokwa iwhe Onye-Nwe-Ọha bụ Onye-ishi-igwe-ọgu l'ekfu ndono. “Je ataa ishi onye nche atụru ono, t'atụru ono gbakashịhu. Mbẹdua l'a-tụfu ẹka daa ndu nke nshịi l'ẹhu. 8L'alị ono mgburumgburu, e -kee ndu bu iya nụ uzhi ẹto, uzhi labọ bẹ l'ee-gbukota egbu, uzhi lanụ l'ime nkerẹto ono awhọdu. O nokwa iwhe Onye-Nwe-Ọha l'ekfu ndono. 9Uzhi lanụ l'ime nkere ẹto ono bẹ mu l'e-kporu ye l'ọku nụchaa whẹ anụcha gẹ l'aanụchaje mkpọla-ọcha, bya adata whẹ gẹ l'aadatajẹ mkpọla-ododo. Ndu ono l'e-ku ẹwha mu, mu aza whẹ oku. Mu l'a-sụ lẹ whẹ bụ ndibe mu, whẹbedua asụ lẹ mụbe Onye-Nwe-Ọha bụ Chileke whẹ.”

Currently Selected:

Zakaráya 13: Ezaa

Highlight

Copy

Compare