Zakaráya 1
1
Onye-Nwe-Ọha l'eku ndu Ízurẹlu tẹ whẹ lwakfutawhu iya azụ
1L'ọnwa ẹsato l'awha kwe Daríyọsu awha labọ, ọ watarụ ọbu eze ndu Peshiya, bẹ Onye-Nwe-Ọha kfuru okfu yeru onye nkfuchiru iya bụ Zakaráya nwa Berekaya, mbụ nwanwa Ido. Ọ sụru iya agha: 2“Onye-Nwe-Ọha bẹ ẹhu ghuru eghu shii l'ẹka ndụ-ichee unu nọ. 3Ọo ya bụ, je akarụ whẹ l'ọ waa iwhe mụbe Onye-Nwe-Ọha bụ Onye-ishi-igwe-ọgu l'ekfu: ‘Unu lwakfutawhu mu azụ’; o noo iwhe Onye-Nwe-Ọha bụ Onye-ishi-igwe-ọgu l'ekfu ndono; ‘nke ọwhu mu l'a-lwakfutawhu unubẹdua azụ,’ o noo iwhe Onye-Nwe-Ọha bụ Onye-ishi-igwe-ọgu l'ekfu ndono. 4Unu ba adụkwa g'ọo ndụ-ichee unu whẹ, mbụ ndu ono, ndu nkfuchiru ọwhu gbahawarụ nụ ryarụ iya aryarya sụ whẹ l'ọ waa iwhe Onye-Nwe-Ọha bụ Onye-ishi-igwe-ọgu l'ekfu ndọwa: ‘Unu shi l'ejo ndzụ ono unu l'ebu fụta, unu esefu ẹka l'ome ejo-iwhe.’ Ọle whẹ swọ-chileru-a akụ lẹ nchị jịka lẹ whẹ ta angadụru iya nchị. O nokwa iwhe Onye-Nwe-Ọha l'ekfu ndono. 5Ndụ-ichee unu whẹ ọbu, ?whẹ nọ l'awe ntaa? Ndu nkfuchiru Chileke, ?whẹ l'anọgbuwaru rọo ndzụ tọo? 6Okfu lile, mu kfuru whẹ mẹe iwhe mu tọru whẹ ọkpa iya, bụ iwhe mu tụru nụ ndu ozhi mu ono bụ ndu nkfuchiru Chileke, ?too megedua vụa l'ẹhu ndụ-ichee unu whẹ ono tọo? Nteke ono whẹ kwaa nzhimanụ sụ: ‘Onye-Nwe-Ọha bụ Onye-ishi-igwe-ọgu meekwaru anyi iwhe ọ tụberu tẹ ya mee anyi, mbụ l'o meru yeru anyi lẹge umere anyi mẹe iwhe anyi l'eme dụ.’ ”
Ọwhulenya Zakaráya whụru l'ẹhu nwoke, l'agba ịnya
7O be g'ọnwa iri lẹ nnanụ bụ iya bụ ọnwa Shebatu dụ l'ụkporo abalị l'abalị ẹno l'awha kwe Daríyọsu awha labọ ọ watarụ ọbu eze; Onye-Nwe-Ọha kfuru yeru onye nkfuchiru Chileke ono bụ Zakaráya nwa Berekaya, mbụ nwanwa Ido. Zakaráya bya asụ: 8L'ẹnyashi bẹ mu whụru ọwhulenya, mu nọdu l'ime ọwhulenya ono whụa nwoke l'agba ịnya, l'eke uswe-uswe! Ọ kfụru lẹ mgbakụ oshi mịyituru, gvugeeru l'ẹka ọbu dụ lẹ nkulahu. L'ụzo azụ iya bẹ ịnya dụ l'iche l'iche kfụru, mbụ ịnya l'eke uswe-uswe mẹe ịnya l'acha mmanụ mmanụ mẹe ịnya l'acha ụcha.
9Mu jịa sụ: “Onye-nwe-mu nụ ?ọ waa bụ olekwa?”
Ojozhi-imigwe, l'ekfu eyeru mu sụ mu: “Mu l'e-goshi ghu iwhe whẹ bụ.”
10Ọo ya bụ, nwoke ono, kfụru lẹ mgbakụ oshi mịyituru ono bya eyee ọnu sụ: “nya ono bụkwa iwhe Onye-Nwe-Ọha zhiru t'ọ bya aghajẹ mgboko ngvudangvu.”
11Whẹ bya ekfuru yeru Ojozhi-imigwe ono shi l'ẹka Onye-Nwe-Ọha, shi kfụru lẹ mgbakụ oshi mịyituru ono sụ iya: “Anyi tụkookwaru mgboko ghakọta vulavula; mgboko l'owhu bẹ dakwarụ gbẹe, nchị dụwa whẹ ndoo.”
12Nteke ono Ojozhi-imigwe ono shi l'ẹka Onye-Nwe-Ọha bya asụ: Oowaa, Onye-Nwe-Ọha bụ Onye-ishi-igwe-ọgu ?ọo nteke ole bẹ l'ịino-beru tẹmenu gụ awhụaru Jerúsalẹmu mẹe mkpụkpu, dụkota l'alị Juda imiko? Mbụ ndu ono i tukoshiru ẹhu-eghughu ghu eshi ụkporo awha ugbo ẹto l'awha iri ntaa? 13O noo ya, Onye-Nwe-Ọha bya ekfuru okfu njima mẹe okfu ndụmu-obu yeru Ojozhi-imigwe ono shi ekfu eyeru mu. 14Ojozhi-imigwe ono, shi ekfu eyeru mu sụ mu tẹ mu ryakaa okfu ono aryaka sụ l'ọ waa iwhe Onye-Nwe-Ọha bụ Onye-ishi-igwe-ọgu l'ekfu ndọwa: Okoowhoo gbuakwaru mu egbu l'okfu ẹhu mkpụkpu Jerúsalẹmu yẹle ugvu Záyọnu. 15Ẹhu l'eghukwa mu damụdamu l'ẹka mba gẹ mba ha ọdo nọ, bụ ndu l'akpa lẹ ntụsaru-ẹhu. Nteke mbụ bẹ ẹhu shi eghu mu eghu nwanshị nwanshị, ọle ndu mba gẹ mba ha ono bẹ bya emee iwhe-ọtsulanu ndibe mu kabaa njọ.
16“Ọo ya bụ l'ọ waa iwhe Onye-Nwe-Ọha l'ekfu ndọwa: ‘Mu l'a-lwakfutawhu Jerúsalẹmu azụ bya emeeru iya obu-imiko. Eze ụlo mu bẹ l'aa-tụ-whu azụ l'ẹka ono, e gude eri, l'eegudeje atụ iwhe atụ̀tù gude tụa Jerúsalẹmu.’ O nokwa iwhe Onye-Nwe-Ọha l'ekfu ndono.
17“Ryakabaa ya aryaka sụ l'ọ waa iwhe Onye-Nwe-Ọha bụ Onye-ishi-igwe-ọgu l'ekfu ndọwa: ‘Lẹ mkpụkpu iya bẹ iwhe lile l'a-bya abụru ụpete ọdo, Onye-Nwe-Ọha adụa Záyọnu obu ọdo, ya ahọta-whu Jerúsalẹmu azụ ọdo.’ ”
Mpu ẹno yẹle ụmadzu ẹno, l'eme nka
18Mu bya apalia ẹnya lee bya awhụa mpu ẹno. 19Mu bya ajịa Ojozhi-Imigwe ono shi ekfu eyeru mu sụ: “?Ọ waa bụ olekwa?”
Ọ sụ mu: “Ọ kwa iya bụ mpu, dụkashiru ndu Juda mẹe ndu Ízurẹlu mẹe ndu Jerúsalẹmu nnanụ nnanụ.”
20Onye-Nwe-Ọha bya egoshi mu ụmadzu ẹno, l'eme nka. 21Mu jịa sụ: “?Ọo gụnu bẹ ndu-a l'abya ememe?”
Ọ sụ mu: “Mpu ono bẹ dụkashiru ndu Juda nnanụ nnanụ mee whẹ t'ọ dụ onye jeru ọwhafuta ishi, ọle ndu-a, l'eme nka-a bẹ byarụ tẹ whẹ yee whẹ egvu chikwoshia mba gẹ mba ha mpu whẹ, mbụ mpu ono, whẹ mabẹru gụgugu gude adụkashi ndu alị Juda.”
Currently Selected:
Zakaráya 1: Ezaa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
