Hosheya 3
3
Hosheya a gang-nshi na hwā mɛ
1Dagwi Darwey a to yang me, “To ci na hwo wɔ̀ dura a hwā mo tɛ̂ yey mo, mwa ano de a sé ra nejwang na rwâs yey mɛ. Tik na hwo tɛ̀ yey na yɛ sede remo de me rɔɔ tɛ̀ yey na BeIsrayɛl, mwa ano de yɛn a ga doyo be raa cī, yemo de yɛn e kyese nɔngɔ̂s yɛ̄ nɔrɔ̂ nèy anap de ba shumung.”
2Ano kwong, ma wɔ̀ tala cɛ̂k dyam pyɛng kuru na yɛ tyungun, na bedap beba vê baale na me to tala hɛ mɛ. 3Ma ha a yɛ, ma ye, “Gyep tó mo nepɔlɔ pyak yaga me, hwo to ra nedeneves wɛt, hwo man na mwat hwak arɔng wɛt, me arɔng mê man na hwā hwak wɛt.” 4Yaga BeIsrayɛl ba rɔda sangal ano nepɔlɔ pyak sana gwɔ̀m kɛ bemât nuyel, sana nása nɔrɔ̂ yas kɛ swesek ci, sana pyɛ râ vyoshon kɛ pyɛ̂ sekwit. 5E bama mo, BeIsrayɛl bê toyo ko be jama Dagwi Darwey, Dagwi mɛn tanga yerê Davit gbɔng gwɔ̀m mɛn. Yɛn ê vey na Dagwi Darwey na bengyip na vôw rebek, yaga na yɛn a sɛ nerat mɛ e jeng ye yɛnɛ mo.
Currently Selected:
Hosheya 3: bomBI
Highlight
Copy
Compare
Share
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust
