PA’PUDIAN 82
82
Puang Matua urra’ta’ ukungan lan tinimbunna deata
82:1-8
1Pa’pudianna Asaf.
Tongkon tu Puang Matua lan tinimbunna deata,
sia urra’ta’ ukungan lan lu mintu’ deata.
2Sangapapokomi la ma’paolai salu pakayun bimbang,
sia malang lako to tang mekaaluk? Sela
3La mitiroan tu to bitti’ sia pia biung,
sia la umpasalunna to dipandasa sia to mase-mase.
4Rampananni tu mintu’ to bitti’ sia to mase-mase,
lendokanni lan mai lisu pala’na to tang mekaaluk.
5Tau iato mai tae’ tangnga’na sia tae’ paissanna,
tontong bang lolang nakabu’ kamalillinan;
ia dukamoto anna tigega’ tu mintu’ parandanganna te lino.
6Mangkamo Kupokada kumua:
Kamumo tu deata,
sia kamumo sola nasang tu mai anakna Patodoranna.
7Apa la matekomi susito lino,
sia susikomi misa’ tu mai datu la tibambang!
8Ke’de’Komi, o Puang Matua, paolaimi salunna te lino,
belanna poissanMi tu mintu’ bangsa.
Currently Selected:
PA’PUDIAN 82: SDA
Highlight
Copy
Compare
Share
Want to have your highlights saved across all your devices? Sign up or sign in
Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009
