TYENWOGIGAP KALASUNET 146
146
Kalasunet agobo toretetap Kamuktaindet
1Olasu Kamuktaindet ne Toroor.
ilasu Kamuktaindet ne Toroor, ee saboondanyu.
2Alasu Kamuktaindet ne Toroor kota asabe;
atyenjini Kamuktaindennyu kalasunoik kotee asabe.
3Amat omang'u pounik,
anan weeriitap chii, ne ma mi toreteet eng' ineendet.
4Mandoi kabusennyi, weekyingei ng'ung'unyekyik;
petos kabwaatutikyik eng' peetuunooto.
5Paibai chii ne Kamuktaindetap Jakobo ko toreteennyi,
ne mi kamuung'ennyi Kamuktaindet ne Toroor Kamuktaindennyi,
6 # Poi 4.24; 14.15 ne ki yai kipsengwet ak ng'wony,
nyanjet, ak tugul che mi olooto;
ne riibei imanda koigeny;
7ne irwooksechinechin che kiusei:
ne igoochin amitwogik che amei rubeet.
Ityachi Kamuktaindet ne Toroor che ratotiin;
8yaatei Kamuktaindet ne Toroor konyegap che koryotiin.
Ing'eeti Kamuktaindet ne Toroor che ing'uruuksei;
chamei Kamuktaindet ne Toroor icheek che po iman.
9Riibei Kamuktaindet ne Toroor toek;
tiiei ne ma tinyei sigiik ak mosoget;
ago igabui `inee ooreetap kiptengekyot.
10Laitorani Kamuktaindet ne Toroor koigeny,
laitorani Kamuktaindeng'ung' eng' ibinwek tugul, ee Zion.
Olasu Kamuktaindet ne Toroor!
Currently Selected:
TYENWOGIGAP KALASUNET 146: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
