TYENWOGIGAP KALASUNET 143
143
Saaet agobo saruunet eng' puunik
1Kas saaennyu, ee Kamuktaindet ne Toroor!
Epchi iit soomutikyuk,
wolwo eng' imandang'ung' ak lititindang'ung'.
2 # Rom 3.20; Gal 2.16 Amerwookyi otwogindeng'ung';
amu ma mi chii ne sabei ne kiityin imanda eng' taing'ung'.
3Amu kigous puunyoot saboondanyu;
kigokwer saboondanyu kobutyi ng'wony,
kigo koono ameng'oot ole imen, ko uu che ki kobek keny.
4Kigo tanui amu saboondanyu eng' oriit;
kaek muguleldanyu kipkuberet eng' oriit.
5Abwaatati peetuusyek che po keny;
aruchinoti poisyoniguk tugul,
aruchinoti poisyonigap euneguk.
6Atokyinin eunekyuk;
amei melelda saboondanyu agobo inyee ko uu emet ne yaamaat.
7Chokyi wolwo, ee Kamuktaindet ne Toroor;
ichuchui saboondanyu.
Ameung'ena togeng'ung';
si ma ige icheek che choorchingei keriinget.
8Koono agas chamyeng'ung' ne tala karon;
amu amang'un.
Koono anai ooreet ne abune;
amu atokyinin saboondanyu.
9Sarwo, ee Kamuktaindet ne Toroor, eng' puunikyuk;
amwechinin iunya.
10Ineeta ayai mageng'ung';
amu inyee ko ii Kamuktaindennyu.
Myee kabuuseng'ung';
ingondoiywa eng' emetap lititindo.
11Isooba, ee Kamuktaindet ne Toroor, amu kaineng'ung'.
Imoong'u saboondanyu eng' nyalilda amu imandang'ung'.
12Ak ing'eti puunikyuk eng' chamyeng'ung' ne tala,
ak ing'em icheek tugul che inyalili saboondanyu;
amu aa kiboityondeng'ung'.
Currently Selected:
TYENWOGIGAP KALASUNET 143: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
