Popular Bible Verses from TYENWOGIGAP KALASUNET 143

Share

Ineeta ayai mageng'ung'; amu inyee ko ii Kamuktaindennyu. Myee kabuuseng'ung'; ingondoiywa eng' emetap lititindo.

Koono agas chamyeng'ung' ne tala karon; amu amang'un. Koono anai ooreet ne abune; amu atokyinin saboondanyu.

Sarwo, ee Kamuktaindet ne Toroor, eng' puunikyuk; amwechinin iunya.

Isooba, ee Kamuktaindet ne Toroor, amu kaineng'ung'. Imoong'u saboondanyu eng' nyalilda amu imandang'ung'.

Kas saaennyu, ee Kamuktaindet ne Toroor! Epchi iit soomutikyuk, wolwo eng' imandang'ung' ak lititindang'ung'.

Chokyi wolwo, ee Kamuktaindet ne Toroor; ichuchui saboondanyu. Ameung'ena togeng'ung'; si ma ige icheek che choorchingei keriinget.

Abwaatati peetuusyek che po keny; aruchinoti poisyoniguk tugul, aruchinoti poisyonigap euneguk.