ISAIAH 35
35
Poiboiyetap che saruunotin
1Ingogaskei surkwen ak melewet,
ak kobaibait emet ne ong'ateet, ak koiye ko uu taapteet.
2Yiei miising',
ak kobaibait eng' poiboiyet ak eng' tyendo;
kigoochin toroornatetap Lebanon, telunatetap Karmel ak Saron.
Keerei icheek toroornatetap Kamuktaindet ne Toroor,
telunatetap Kamuktaindennyo.
3 # Heb 12.12 Ogimiit eunek che nyalulyotin,
ogiil kutung'oik che ma kiimeen.
4Oleenji icheek che aragendos,
“Ogimegitu, amoiyweisye!
Keero nyoonei anyun Kamuktaindeng'wong' ak yaaktaetap mugetuut,
kobooto kageeretap Kamuktaindet;
nyoonei kosarwok.”
5 # Mat 11.5; Luk 7.22 Ak koit koyatagis anyun konyegap che koryotiin,
ak koyatagis itiik che timotin.
6Yeityo kotoromben chiito ne ing'wali ko uu cheptirgichet,
ak kotyen ng'elyeptap ne namaat kuut.
Amu kuutu peek eng' surkwen,
ak kobiit kereruusyek eng' surkwen.
7Ak koek `ng'aniek che ilyeldos tamboiyot
ak koek `emet ne yaamaat kong'igap peek.
Ak eng' ole ki menyei lelwek,
ko egu `susweek saoset ak mutweek.
8Ak kobiit ooreet ne oo eng' olooto,
ak kiguure oranooto Ooreetap Tiliilindo.
Ma punei oranooto che ma tiliileen
ama tyechei oranooto agot che perber.
9Ma piitu ng'etundo eng' olooto,
ama punei oranooto tyondo age tugul ne koroom,
ma kinyoorchin olooto; ago punei olooto che ki kityaach.
10Ak koweek piigap Kamuktaindet ne Toroor che ki kityaach,
ak kobwa Zion kotyenonu.
Ak kotebee paragunnywa poiboiyetap koigeny,
nyooru kagasetapkei ak poiboiyet,
ak komwei arageneet ak tigenoik.
Currently Selected:
ISAIAH 35: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
