Popular Bible Verses from ISAIAH 35

Share

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

Ogimiit eunek che nyalulyotin, ogiil kutung'oik che ma kiimeen. Oleenji icheek che aragendos, “Ogimegitu, amoiyweisye! Keero nyoonei anyun Kamuktaindeng'wong' ak yaaktaetap mugetuut, kobooto kageeretap Kamuktaindet; nyoonei kosarwok.”

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

Ak koit koyatagis anyun konyegap che koryotiin, ak koyatagis itiik che timotin.

Yeityo kotoromben chiito ne ing'wali ko uu cheptirgichet, ak kotyen ng'elyeptap ne namaat kuut. Amu kuutu peek eng' surkwen, ak kobiit kereruusyek eng' surkwen.