Zabúr 97
97
1 Ḳhudáwand saltanat kartá hai, zamín shádmán ho:
Beshumár jazíre ḳhushí manáeṉ.
2Bádal aur táríkí us ke irdgird haiṉ:
Sadáqat aur ‘adl us ke taḳht kí bunyád haiṉ.
3Ág us ke áge áge chaltí hai,
Aur chároṉ taraf us ke muḳhálifoṉ ko bhasam kar detí hai.
4Us kí bijliyoṉ ne jahán ko raushan kar diyá;
Zamín ne dekhá aur káṉp gayí.
5 Ḳhudáwand ke huzúr paháṛ mom kí tarah pighal gaye,
Ya‘ní sárí zamín Ḳhudáwand ke huzúr.
6Ásmán us kí sadáqat záhir kartá hai:
Sab qaumoṉ ne us ká jalál dekhá hai.
7Khodí húí múratoṉ ke sab pújnewále,
Jo butoṉ par faḳhr karte haiṉ, sharminda hoṉ:
Ai ma‘búdo, sab us ko sijda karo.
8Ai Ḳhudáwand, Siyyún ne suná aur ḳhush húí,
Aur Yahúdáh kí beṭiyáṉ tere ahkám se shádmán húíṉ.
9Kyúṉki ai Ḳhudáwand, tú tamám zamín par baland o bálá hai:
Tú sab ma‘búdoṉ se niháyat a‘lá hai.
10Ai Ḳhudáwand se mahabbat rakhnewálo, badí se nafrat karo:
Wuh apne muqaddasoṉ kí jánoṉ ko mahfúz rakhtá hai;
Wuh un ko sharíroṉ ke háth se chhuṛátá hai.
11Sádiqoṉ ke liye núr boyá gayá hai,
Aur rástdiloṉ ke liye ḳhushí.
12Ai sádiqo, Ḳhudáwand meṉ ḳhush raho,
Aur us ke pák nám ká shukr karo.
Currently Selected:
Zabúr 97: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
