Zabúr 98
98
Mazmúr.
1 Ḳhudáwand ke huzúr nayá gít gáo,
Kyúṉki us ne ‘ajíb kám kiye haiṉ:
Us ke dahine háth aur us ke muqaddas bázú ne us ke liye fath hásil kí hai.
2 Ḳhudáwand ne apní naját záhir kí hai:
Us ne apní sadáqat qaumoṉ ke sámne numáyáṉ kí hai.
3Us ne Isráíl ke gharáne ke haqq meṉ apní shafaqat o wafádárí yád kí hai:
Intihá e zamín ke logoṉ ne hamáre Ḳhudá kí naját dekhí hai.
4Ai tamám ‘ahl i zamín, Ḳhudáwand ke huzúr ḳhushí ká na‘ra máro:
Lalkáro aur ḳhushí se gáo aur madhsaráí karo.
5 Ḳhudáwand kí sitáish sitár par karo,
Sitár aur surílí áwáz se.
6Narsinge aur qarná kí áwáz se
Bádsháh ya‘ní Ḳhudáwand ke huzúr ḳhushí ká na‘ra máro.
7Samundar aur us kí ma‘múrí shor macháeṉ;
Aur jahán aur us ke báshinde;
8Sailáb táliyáṉ bajáeṉ;
Paháṛiyáṉ milkar ḳhushí se gáeṉ;
9 Ḳhudáwand ke huzúr, kyúṉki wuh zamín kí ‘adálat karne á rahá hai;
Wuh sadáqat se jahán kí
Aur rástí se qaumoṉ kí ‘adálat karegá.
Currently Selected:
Zabúr 98: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
