Zabúr 93
93
1 Ḳhudáwand saltanat kartá hai; wuh shaukat se mulabbas hai:
Ḳhudáwand qudrat se mulabbas hai; wuh us se kamarbasta hai:
Is liye jahán qáim hai aur use jumbish nahíṉ.
2Terá taḳht qadím se qáim hai:
Tú azal se hai.
3Sailáboṉ ne, ai Ḳhudáwand,
Sailáboṉ ne shor machá rakkhá hai;
Sailáb maujzan haiṉ.
4Bahroṉ kí áwáz se,
Samundar kí zabardast maujoṉ se bhí,
Ḳhudáwand baland o qádir hai.
5Terí shahádateṉ bi’lkull sachchí haiṉ:
Ai Ḳhudáwand, abadu’l ábád ke liye,
Qudsíyat tere ghar ko zebá hai.
Currently Selected:
Zabúr 93: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)