Zabúr 91
91
1Jo Haqq Ta‘álá ke parde meṉ rahtá hai,
Wuh Qadir i Mutlaq ke sáye meṉ sukúnat karegá.
2Maiṉ Ḳhudáwand ke báre meṉ kahúṉgá, Wuhí merí panáh aur merá gaṛh hai:
Wuh merá Ḳhudá hai, jis par merá tawakkul hai.
3Kyúṉki wuh tujhe saiyád ke phande se,
Aur muhlik wabá se chhuṛáegá.
4Wuh tujhe apne paroṉ se chhipáegá,
Aur tujhe us ke bázúoṉ ke níche panáh milegí:
Us kí sachcháí ḍhál aur sipar hai.
5Tú na rát kí haibat se daṛegá,
Na din ko uṛnewále tír se;
6Na us wabá se jo andhere meṉ chaltí hai,
Na us halákat se jo do pahar ko wírán kartí hai.
7Tere ás pás ek hazár gir jáeṉge,
Aur tere dahine háth kí taraf das hazár,
Lekin wuh tere nazdík na áegí.
8Lekin tú apní áṉkhoṉ se nigáh karegá,
Aur sharíroṉ ke anjám ko dekhegá.
9Par tú, ai Ḳhudáwand, merí panáh hai:
Tú ne Haqq Ta‘álá ko apná maskan baná liyá hai.
10Tujh par koí áfat nahíṉ áegí;
Aur koí wabá tere ḳhaime ke nazdík na pahuṉchegí.
11Kyúṉki wuh terí bábat apne firishtoṉ ko hukm degá,
Ki terí sab ráhoṉ meṉ terí hifázat kareṉ.
12Wuh tujhe apne háthoṉ par uṭhá leṉge,
Tá aisá na ho ki tere páṉw ko patthar se ṭhes lage.
13Tú sher i babar aur afa‘í ko rauṉdegá:
Tú jawán sher aur azhdahá ko pámál karegá.
14Chúṉki us ne mujh se dil lagáyá hai, is liye maiṉ use chhuṛáúṉgá:
Maiṉ use sarfaráz karúṉgá, kyúṉki us ne merá nám pahcháná hai.
15Wuh mujhe pukáregá, aur maiṉ use jawáb dúṉgá:
Maiṉ musíbat meṉ us ke sáth rahúṉgá:
Maiṉ use chhuṛáúṉgá, aur ‘izzat baḳhshúṉgá.
16Maiṉ use ‘umr kí darází se ásúda karúṉgá,
Aur apní naját use dikháúṉgá.
Currently Selected:
Zabúr 91: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
