Zabúr 87
87
Baní Qorah ká Mazmúr; ya‘ní Gít.
1Us kí bunyád muqaddas paháṛoṉ meṉ hai.
2 Ḳhudáwand Siyyún ke pháṭakoṉ ko
Ya‘qúb ke sab maskanoṉ se ziyáda ‘azíz rakhtá hai.
3Ai Ḳhudá ke shahr,
Terí baṛí baṛí ḳhúbíáṉ bayán kí játí haiṉ. (Siláh.)
4Maiṉ Rahab aur Bábul ká yúṉ zikr karúṉgá ki wuh mere jánnewáloṉ meṉ haiṉ,
Filistín aur Súr aur Kúsh ko dekho,
Yih waháṉ paidá húá thá.
5Balki Siyyún ke báre meṉ kahá jáegá ki Fuláṉ fuláṉ ádmí us meṉ paidá húe,
Aur Haqq Ta‘álá ḳhúd us ko qiyám baḳhshegá.
6 Ḳhudáwand qaumoṉ ke shumár ke waqt darj karegá,
Ki Yih shaḳhs waháṉ paidá húá thá. (Siláh.)
7Gánewále aur náchnewále yihí kaheṉge,
Ki Mere sab chashme tujh hí meṉ haiṉ.
Currently Selected:
Zabúr 87: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)