Zabúr 85
85
Mír mug̣anní ke liye. Baní Qorah ká Mazmúr.
1Ai Ḳhudáwand, tú apne mulk par mihrbán rahá hai:
Tú Ya‘qúb ko asírí se wápas láyá hai.
2Tú ne apne logoṉ kí badkárí mu‘áf kar dí hai,
Tú ne un ke sab gunáh ḍháṉk diye haiṉ. (Siláh.)
3Tú ne apná g̣azab bi’lkull uṭhá liyá:
Tú apne qahr i shadíd se báz áyá hai.
4Ai hamáre naját denewále Ḳhudá, ham ko bahál kar,
Apná g̣azab ham se dúr kar.
5Kyá tú sadá ham se náráz rahegá?
Kyá tú apne qahr ko pusht dar pusht járí rakkhegá?
6Kyá tú ham ko phir zinda na karegá,
Táki tere log tujh meṉ shádmán hoṉ?
7Ai Ḳhudáwand, tú apní shafaqat ham ko dikhá,
Aur apní naját ham ko baḳhsh.
8Maiṉ sunúṉgá ki Ḳhudáwand Ḳhudá kyá farmátá hai:
Kyúṉki wuh apne logoṉ aur apne muqaddasoṉ se salámatí kí báteṉ karegá:
Par wuh phir hamáqat kí taraf rujú‘ na kareṉ.
9Yaqínan us kí naját us se daṛnewáloṉ ke qaríb hai,
Táki jalál hamáre mulk meṉ base.
10Shafaqat aur rástí báham mil gayí haiṉ:
Sadáqat aur salámatí ne ek dúsre ká bosa liyá hai.
11Rástí zamín se nikaltí hai;
Aur sadáqat ásmán par se jháṉktí hai.
12Jo kuchh achchhá hai wuhí Ḳhudáwand ‘atá farmáegá;
Aur hamárí zamín apní paidáwár degí.
13Sadáqat us ke áge áge chalegí;
Aur us ke naqsh i qadam ko hamárí ráh banáegí.
Currently Selected:
Zabúr 85: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)