Zabúr 82
82
Ásaf ká Mazmúr.
1Ḳhudá kí jamá‘at meṉ Ḳhudá maujúd hai;
Wuh iláhoṉ ke darmiyán ‘adálat kartá hai.
2Tum kab tak beinsáfí se ‘adálat karoge,
Aur sharíroṉ kí tarafdárí karoge? (Siláh.)
3G̣aríb aur yatím ká insáf karo:
G̣amzada aur muflis ke sáth insáf se pesh áo.
4G̣aríb aur muhtáj ko bacháo:
Sharíroṉ ke háth se un ko chhuṛáo.
5Wuh na to kuchh jánte haiṉ na samajhte haiṉ;
Wuh andhere meṉ idhar udhar chalte haiṉ:
Zamín kí sab bunyádeṉ hil gayí haiṉ.
6Maiṉ ne kahá thá, ki Tum iláh ho,
Aur tum sab Haqq Ta‘álá ke farzand ho.
7Taubhí tum ádmíoṉ kí tarah maroge,
Aur umará meṉ se kisí kí tarah gir jáoge.
8Ai Ḳhudá, uṭh, zamín kí ‘adálat kar,
Kyúṉki tú hí sab qaumoṉ ká málik hogá.
Currently Selected:
Zabúr 82: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
