Zabúr 76
76
Mír mug̣anní ke liye; tárdár sázoṉ ke sáth. Ásaf ká Mazmúr, ya‘ní Gít.
1Ḳhudá Yahúdáh meṉ mashhúr hai:
Us ká nám Isráíl meṉ buzurg hai.
2Sálim meṉ us ká ḳhaima hai,
Aur Siyyún meṉ us ká maskan.
3Waháṉ us ne barq i kamán ko
Aur ḍhál aur talwár aur sámán i jang ko toṛ ḍálá. (Siláh.)
4Tú jalálí hai, aur shikár ke paháṛoṉ se shándár hai.
5Mazbútdil luṭ gaye, wuh gahrí níṉd meṉ paṛe haiṉ;
Aur zabardast logoṉ meṉ se kisí ká háth kám na áyá.
6Ai Ya‘qúb ke Ḳhudá, terí jhiṛkí se
Rath aur ghoṛe donoṉ par maut kí níṉd tárí hai.
7Faqat tujh hí se daṛná chahiye:
Aur tere qahr ke waqt kaun tere huzúr khaṛá rah saktá hai?
8Tú ne ásmán par se faisala sunáyá;
Zamín ḍarkar chup ho gayí,
9Jab Ḳhudá ‘adálat karne ko uṭhá,
Táki zamín ke sab halímoṉ ko bachá le. (Siláh.)
10Beshakk insán ká g̣azab terí sitáish ká bá‘is hogá:
Aur tú g̣azab ke baqiye se kamarbasta hogá.
11 Ḳhudáwand apne Ḳhudá ke liye mannat máno aur púrí karo:
Aur jo us ke gird haiṉ wuh usí ke liye jis se daṛná wájib hai hadye láeṉ.
12Wuh umará kí ruh ko qabz karegá:
Wuh zamín ke bádsháhoṉ ke liye muhíb hai.
Currently Selected:
Zabúr 76: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)