Zabúr 75
75
Mír mug̣anní ke liye; Altashḳhít ke sur par. Ásaf ká Mazmúr, ya‘ní Gít.
1Ai Ḳhudá, ham terá shukr karte haiṉ:
Ham terá shukr karte haiṉ, kyúṉki terá nám nazdík hai:
Log tere ‘ajíb kámoṉ ká zikr karte haiṉ.
2Jab merá mu‘aiyan waqt áegá
To maiṉ rástí se ‘adálat karúṉgá.
3Zamín aur us ke sab báshinde gudáz ho gaye haiṉ:
Maiṉ ne us ke sutúnoṉ ko qáim kar diyá hai. (Siláh.)
4Maiṉ ne mag̣rúroṉ se kahá, Gurúr na karo;
Aur sharíroṉ se ki Síṉg úṉchá na karo:
5Apná síṉg úṉchá na karo;
Gardankashí se bát na karo.
6Kyúṉki sarfarází na to mashriq se na mag̣rib se
Aur na junúb se átí hai.
7Balki Ḳhudá hí ‘adálat karnewálá hai:
Wuh kisí ko past kartá hai aur kisí ko sarfarází baḳhshtá hai.
8Kyúṉki Ḳhudáwand ke háth meṉ piyála hai aur mai jhágwálí hai;
Wuh milí húí sharáb se bhará hai aur Ḳhudáwand usí meṉ se unḍeltá hai:
Beshakk us kí talchhaṭ zamín ke sab sharír nichoṛ nichoṛkar píeṉge.
9Lekin maiṉ to hamesha zikr kartá rahúṉgá;
Maiṉ Ya‘qúb ke Ḳhudá kí madhsaráí karúṉgá.
10Aur maiṉ sharíroṉ ke sab síṉg káṭ ḍálúṉgá;
Lekin sádiqoṉ ke síṉg úṉche kiye jáeṉge.
Currently Selected:
Zabúr 75: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)