Zabúr 36
36
Mír mug̣anní ke liye. Ḳhudá ke bande Dáúd ká Mazmúr.
1Sharír kí badí se mere dil meṉ ḳhayál átá hai
Ki Ḳhudá ká ḳhauf us ke pesh i nazar nahíṉ.
2Kyúṉki wuh apne áp ko apní nazar meṉ is ḳhayál se tasallí detá hai
Ki us kí badí na to fásh hogí na makrúh samjhí jáegí.
3Us ke muṉh meṉ badí aur fareb kí báteṉ haiṉ,
Wuh dánish aur nekí se dastbardár ho gayá hai.
4Wuh apne bistar par badí ke mansúbe báṉdhtá hai;
Wuh aisí ráh iḳhtiyár kartá hai jo achchhí nahíṉ:
Wuh badí se nafrat nahíṉ kartá.
5Ai Ḳhudáwand, ásmán meṉ terí shafaqat hai;
Terí wafádárí aflák tak baland hai.
6Terí sadáqat Ḳhudá ke paháṛoṉ kí mánind hai,
Tere ahkám niháyat ‘amíq haiṉ,
Ai Ḳhudáwand, tú insán aur haiwán donoṉ ko mahfúz rakhtá hai.
7Ai Ḳhudá, terí shafaqat kyá hí beshqímat hai!
Baní Ádam tere bázúoṉ ke sáye meṉ panáh lete haiṉ.
8Wuh tere ghar kí ni‘matoṉ se ḳhúb ásúda hoṉge;
Tú un ko apní ḳhushnúdí ke daryá meṉ se piláegá.
9Kyúṉki zindagí ká chashma tere pás hai,
Tere núr kí badaulat ham raushní dekheṉge.
10Tere pahchánnewáloṉ par terí shafaqat dáimí ho,
Aur rástdiloṉ par terí sadáqat.
11Mag̣rúr ádmí mujh par lát na uṭháne páe,
Aur sharír ká háth mujhe háṉk na de.
12Badkirdár waháṉ gire paṛe haiṉ,
Wuh girá diye gaye haiṉ aur phir uṭh na sakeṉge.
Currently Selected:
Zabúr 36: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
