Zabúr 29
29
Dáúd ká Mazmúr.
1Ai firishtagán, Ḳhudáwand kí,
Ḳhudáwand hí kí tamjíd o ta‘zím karo.
2 Ḳhudáwand kí aisí tamjíd karo jo us ke nám ke sháyán hai;
Pák áráish ke sáth Ḳhudáwand ko sijda karo.
3 Ḳhudáwand kí áwáz bádaloṉ par hai:
Ḳhudá e zu’l jalál garajtá hai:
Ḳhudáwand daldár bádaloṉ par hai.
4 Ḳhudáwand kí áwáz meṉ qudrat hai;
Ḳhudáwand kí áwáz meṉ jalál hai.
5 Ḳhudáwand kí áwáz deodároṉ ko toṛ ḍáltí hai;
Balki Ḳhudáwand Lubnán ke deodároṉ ko ṭukṛe ṭukṛe kar detá hai.
6Wuh un ko bachhṛe kí mánind;
Lubnán aur Siryún ko janglí bachhṛe kí mánind kudátá hai.
7 Ḳhudáwand kí áwáz ág ke shu‘loṉ ko chírtí hai.
8 Ḳhudáwand kí áwáz biyábán ko hilá detí hai;
Ḳhudáwand Qádis ke biyábán ko hilá ḍáltá hai.
9 Ḳhudáwand kí áwáz se harniyoṉ ke haml gir játe haiṉ,
Aur wuh jangaloṉ ko bebarg kar detí hai:
Us kí haikal meṉ har ek Jalál hí Jalál pukártá hai.
10 Ḳhudáwand túfán ke waqt taḳhtnishín thá;
Balki Ḳhudáwand hamesha tak taḳhtnishín hai.
11 Ḳhudáwand apní ummat ko zor baḳhshegá;
Ḳhudáwand apní ummat ko salámatí kí barakat degá.
Currently Selected:
Zabúr 29: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
