Zabúr 28
28
Dáúd ká Mazmúr.
1Ai Ḳhudáwand, maiṉ tujh hí ko pukárúṉgá;
Ai merí chaṭán, tú merí taraf se kán band na kar:
Aisá na ho ki agar tú merí taraf se ḳhámosh rahe,
To maiṉ un kí mánind ban jáúṉ jo pátál meṉ játe haiṉ.
2Jab maiṉ tujh se faryád karúṉ aur apne háth
Terí muqaddas haikal kí taraf uṭháúṉ to merí minnat kí áwáz ko sun le.
3Mujhe un sharíroṉ aur badkirdároṉ ke sáth ghasíṭ na le já;
Jo apne hamsáyoṉ se sulh kí báteṉ karte haiṉ,
Magar un ke diloṉ meṉ badí hai.
4Un ke af‘ál o a‘mál kí buráí ke muwáfiq un ko badla de:
Un ke háthoṉ ke kámoṉ ke mutábiq un se sulúk kar;
Un ke kiye ká ‘iwaz un ko de.
5Wuh Ḳhudáwand ke kámoṉ
Aur us kí dastkárí par dhyán nahíṉ karte,
Is liye wuh un ko girá degá aur phir nahíṉ uṭháegá.
6 Ḳhudáwand mubárak ho,
Is liye ki us ne merí minnat kí áwáz sun lí.
7 Ḳhudáwand merí quwwat aur merí sipar hai;
Mere dil ne us par tawakkul kiyá hai, aur mujhe madad milí hai:
Isí liye merá dil niháyat shádmán hai;
Aur maiṉ gít gákar us kí sitáish karúṉgá.
8 Ḳhudáwand un kí quwwat hai,
Wuh apne mamsúh ke liye naját ká qil‘a hai.
9Apní ummat ko bachá, aur apní mírás ko barakat de:
Un kí pásbání kar aur un ko hamesha tak sambhále rah.
Currently Selected:
Zabúr 28: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
