Zabúr 27
27
Dáúd ká Mazmúr.
1 Ḳhudáwand merí raushní aur merí naját hai; mujhe kis kí dahshat?
Ḳhudáwand merí zindagí ká pushta hai; mujhe kis kí haibat?
2Jab sharír, ya‘ní mere muḳhálif aur mere dushman,
Merá gosht kháne ko mujh par chaṛh áe, to wuh ṭhokar khákar gir paṛe.
3Ḳhwáh mere ḳhiláf lashkar ḳhaimazan ho,
Merá dil nahíṉ ḍaregá:
Ḳhwáh mere muqábale meṉ jang barpá ho,
Taubhí maiṉ ḳhátirjama‘ rahúṉgá.
4Maiṉ ne Ḳhudáwand se ek darḳhwást kí hai, maiṉ isí ká tálib rahúṉgá;
Ki maiṉ ‘umr bhar Ḳhudáwand ke ghar meṉ rahúṉ,
Táki Ḳhudáwand ke jamál ko dekhúṉ, aur us kí haikal meṉ istifsár kiyá karúṉ.
5Kyúṉki musíbat ke din wuh mujhe apne shámiyáne meṉ poshída rakkhegá:
Wuh mujhe apne ḳhaime ke parde meṉ chhipá legá;
Wuh mujhe chaṭán par chaṛhá degá.
6Ab maiṉ apne chároṉ taraf ke dushmanoṉ par sarfaráz kiyá jáúṉgá;
Maiṉ us ke ḳhaime meṉ ḳhushí kí qurbáníáṉ guzránúṉgá;
Maiṉ gáúṉgá, maiṉ Ḳhudáwand kí madhsaráí karúṉgá.
7Ai Ḳhudáwand, merí áwáz sun, maiṉ pukártá húṉ:
Mujh par rahm kar aur mujhe jawáb de.
8Jab tú ne farmáyá, ki Mere dídár ke tálib ho; táb mere dil ne tujh se kahá,
Ai Ḳhudáwand, maiṉ tere dídár ká tálib rahúṉgá.
9Mujh se rúposh na ho;
Apne bande ko qahr se na nikál:
Tú merá madadgár rahá hai;
Na mujhe tark kar, na mujhe chhoṛ, ai mere naját denewále Ḳhudá.
10Jab merá báp aur merí máṉ mujhe chhoṛ deṉ,
To Ḳhudáwand mujhe sambhál legá.
11Ai Ḳhudáwand, mujhe apní ráh batá;
Aur mere dushmanoṉ ke sabab se
Mujhe hamwár ráste par chalá.
12Mujhe mere muḳhálifoṉ kí marzí par na chhoṛ:
Kyúṉki jhúṭhe gawáh aur berahmí se phuṉkárnewále mere ḳhiláf uṭhe haiṉ.
13Agar mujhe yaqín na hotá ki zindoṉ kí zamín meṉ
Ḳhudáwand ke ihsán ko dekhúṉgá to mujhe g̣ash á játá.
14 Ḳhudáwand kí ás rakh:
Mazbút ho aur terá dil qawí ho;
Háṉ, Ḳhudáwand hí kí ás rakh.
Currently Selected:
Zabúr 27: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)