Zabúr 23
23
Dáúd ká Mazmúr.
1 Ḳhudáwand merá chaupán hai; mujhe kamí na hogí.
2Wuh mujhe harí harí charágáhoṉ meṉ biṭhátá hai:
Wuh mujhe ráhat ke chashmoṉ ke pás le játá hai.
3Wuh merí ján ko bahál kartá hai:
Wuh mujhe apne nám kí ḳhátir sadáqat kí ráhoṉ par le chaltá hai.
4Balki ḳhwáh maut ke sáye kí wádí meṉ se merá guzar ho,
Maiṉ kisí balá se nahíṉ daṛúṉgá; kyúṉki tú mere sáth hai:
Tere ‘asá aur terí láṭhí se mujhe tasallí hai.
5Tú mere dushmanoṉ ke rúbarú mere áge dastarḳhwán bichhátá hai:
Tú ne mere sir par tel malá hai, merá piyála labrez hotá hai.
6Yaqínan bhaláí aur rahmat ‘umr bhar mere sáth sáth raheṉgí:
Aur maiṉ hamesha Ḳhudáwand ke ghar meṉ sukúnat karúṉgá.
Currently Selected:
Zabúr 23: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
