Zabúr 20
20
Mír mug̣anní ke liye. Dáúd ká Mazmúr.
1Musíbat ke din Ḳhudáwand terí sune;
Ya‘qúb ke Ḳhudá ká nám tujhe balandí par qáim kare;
2Wuh maqdis se tere liye kumak bheje,
Aur Siyyún se tujhe taqwíyat baḳhshe;
3Wuh tere sab hadyoṉ ko yád rakkhe,
Aur terí soḳhtaní qurbání ko qubúl kare! (Siláh.)
4Wuh tere dil kí árzú bar láe,
Aur terí sab mashwarat púrí kare.
5Ham terí naját par shádiyána bajáeṉge,
Aur apne Ḳhudá ke nám par jhanḍe khaṛe kareṉge:
Ḳhudáwand terí tamám darḳhwásteṉ púrí kare.
6Ab maiṉ ján gayá ki Ḳhudáwand apne mamsúh ko bachá letá hai;
Wuh apne dahine háth kí najátbaḳhsh quwwat se
Apne muqaddas ásmán par se use jawáb degá.
7Kisí ko rathoṉ ká aur kisí ko ghoṛoṉ ká bharosá hai:
Par ham to Ḳhudáwand apne Ḳhudá hí ká nám leṉge.
8Wuh to jhuke aur gir paṛe:
Par ham uṭhe aur sídhe khaṛe haiṉ.
9Ai Ḳhudáwand, bachá le;
Jis din ham pukáreṉ to bádsháh hameṉ jawáb de.
Currently Selected:
Zabúr 20: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
