Zabúr 19
19
Mír mug̣anní ke liye. Dáúd ká Mazmúr.
1Ásmán Ḳhudá ká jalál záhir kartá hai,
Aur fazá us kí dastkárí dikhátí hai.
2Din se din bát kartá hai,
Aur rát ko rát hikmat sikhátí hai.
3Na bolná hai na kalám,
Na un kí áwáz sunáí detí hai.
4Un ká sur sárí zamín par,
Aur un ká kalám dunyá kí intihá tak pahuṉchá hai.
Us ne áftáb ke liye un meṉ ḳhaima lagáyá hai.
5Jo dulhe kí mánind apne ḳhalwatḳháne se nikaltá hai,
Aur pahlawán kí tarah apní dauṛ meṉ dauṛne ko ḳhush hai.
6Wuh ásmán kí intihá se nikaltá hai,
Aur us kí gasht us ke kanároṉ tak hotí hai:
Aur us kí harárat se koí chíz bebahra nahíṉ.
7 Ḳhudáwand kí sharí‘at kámil hai, wuh ján ko bahál kartí hai:
Ḳhudáwand kí shahádat barhaqq hai, nádán ko dánish baḳhshtí hai.
8 Ḳhudáwand ke qawánín rást haiṉ, wuh dil ko farhat pahuṉcháte haiṉ:
Ḳhudáwand ká hukm be‘aib hai, wuh áṉkhoṉ ko raushan kartá hai:
9 Ḳhudáwand ká ḳhauf pák hai, wuh abad tak qáim rahtá hai:
Ḳhudáwand ke ahkám barhaqq aur bi’lkull rást haiṉ.
10Wuh sone se balki bahut kundan se ziyáda pasandída haiṉ:
Wuh shahd se balki chhatte ke ṭapkoṉ se bhí shírín haiṉ.
11Níz un se tere bande ko ágáhí miltí hai:
Un ko mánne ká ajr baṛá hai.
12Kaun apní bhúl chúk ko ján saktá hai?
Tú mujhe poshída ‘aiboṉ se pák kar.
13Tú apne bande ko bebákí ke gunáhoṉ se bhí báz rakh;
Wuh mujh par g̣álib na áeṉ: to maiṉ kámil húṉgá,
Aur baṛe gunáh se bachá rahúṉgá.
14Mere muṉh ká kalám aur mere dil ká ḳhayál tere huzúr maqbúl ṭhahre,
Ai Ḳhudáwand, ai merí chaṭán aur mere fidya denewále.
Currently Selected:
Zabúr 19: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
