Zabúr 13
13
Mír mug̣anní ke liye. Dáúd ká Mazmúr.
1Ai Ḳhudáwand kab tak, kyá tú hamesha mujhe bhúlá rahegá?
Tú kab tak apná chihra mujh se chhipáe rakkhegá?
2Kab tak maiṉ jí hí jí meṉ mansúba báṉdhtá rahúṉ,
Aur sare din apne dil meṉ g̣am kiyá karúṉ?
Kab tak merá dushman mujh par sarbaland rahegá?
3Ai Ḳhudáwand mere Ḳhudá, merí taraf tawajjuh kar aur mujhe jawáb de:
Merí áṉkheṉ raushan kar, aisá na ho ki mujhe maut kí níṉd á jáe;
4Aisá na ho ki merá dushman kahe, ki Maiṉ is par g̣álib á gayá;
Na ho ki jab maiṉ jumbish kháúṉ, to mere muḳhálif ḳhush hoṉ.
5Lekin maiṉ ne to terí rahmat par tawakkul kiyá hai:
Merá dil terí naját se ḳhush hogá.
6Maiṉ Ḳhudáwand ká gít gáúṉgá;
Kyúṉki us ne mujh par ihsán kiyá hai.
Currently Selected:
Zabúr 13: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
