Zabúr 12
12
Mír mug̣anní ke liye; Shamínít ke sur par. Dáúd ká Mazmúr.
1Ai Ḳhudáwand, bachá le, kyúṉki koí díndár nahíṉ rahá,
Aur amánatdár log baní Ádam meṉ se miṭ gaye;
2Wuh apne apne hamsáye se jhúṭh bolte haiṉ:
Wuh ḳhushámadí laboṉ se doraṉgí báteṉ karte haiṉ.
3 Ḳhudáwand sab ḳhushámadí laboṉ ko
Aur baṛe bol bolnewálí zabán ko káṭ ḍálegá.
4Wuh kahte haiṉ, Ham apní zabán se jíteṉge;
Hamáre hoṉṭh hamáre hí haiṉ: hamárá málik kaun hai?
5G̣aríboṉ kí tabáhí aur miskínoṉ kí áh ke sabab se
Ḳhudáwand farmátá hai, ki Ab maiṉ uṭhúṉgá,
Aur jis par wuh phuṉkárte haiṉ use amn o amán meṉ rakkhúṉgá.
6 Ḳhudáwand ká kalám pák hai,
Us chándí kí mánind jo bhaṭṭí meṉ miṭṭí par táí gayí,
Aur sát bár sáf kí gayí ho.
7Tú hí, ai Ḳhudáwand, un kí hifázat karegá,
Tú hí un ko is pusht se hamesha tak bacháe rakkhegá.
8Jab baní Ádam meṉ pájípan kí qadr hotí hai,
To sharír har taraf chalte phirte haiṉ.
Currently Selected:
Zabúr 12: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
