Zabúr 14
14
Mír mug̣anní ke liye. Dáúd ká Mazmúr.
1Ahmaq ne apne dil meṉ kahá hai, ki Koí Ḳhudá nahíṉ:
Wuh bigaṛ gaye, unhoṉ ne nafratangez kám kiye haiṉ:
Koí nekokár nahíṉ.
2 Ḳhudáwand ne ásmán par se baní Ádam par nigáh kí,
Táki dekhe ki koí dánishmand,
Koí Ḳhudá ká tálib hai yá nahíṉ.
3Wuh sab ke sab gumráh húe, wuh báham najis ho gaye:
Koí nekokár nahíṉ, ek bhí nahíṉ.
4Kyá un sab badkirdároṉ ko kuchh ‘ilm nahíṉ,
Jo mere logoṉ ko aise khá játe haiṉ jaise roṭí;
Aur Ḳhudáwand ká nám nahíṉ lete?
5Waháṉ un par baṛá ḳhauf chhá gayá;
Kyúṉki Ḳhudá sádiq pusht ke sáth hai.
6Tum g̣aríb kí mashwarat kí haṉsí uṛáte ho,
Is liye ki Ḳhudáwand us kí panáh hai.
7Kásh ki Isráíl kí naját Siyyún meṉ se hotí:
Jab Ḳhudáwand apne logoṉ ko asírí se lauṭá láegá,
To Ya‘qúb ḳhush aur Isráíl shádmán hogá.
Currently Selected:
Zabúr 14: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
