Zabúr 11
11
Mír mug̣anní ke liye. Dáúd ká Mazmúr.
1Merá tawakkul Ḳhudáwand par hai:
Tum kyuṉkar merí ján se kahte ho,
Ki Chiṛiyá kí tarah apne paháṛ par uṛ já?
2Kyúṉki, dekho, sharír kamán kheṉchte haiṉ;
Wuh tír ko chille par rakhte haiṉ,
Táki andhere meṉ rástdiloṉ par chaláeṉ.
3Agar bunyád hí ukháṛ dí jáe,
To sádiq kyá kar saktá hai?
4 Ḳhudáwand apní muqaddas haikal meṉ hai:
Ḳhudáwand ká taḳht ásmán par hai:
Us kí áṉkheṉ baní Ádam ko dekhtí, aur us kí palakeṉ un ko jáṉchtí haiṉ.
5 Ḳhudáwand sádiq ko parakhtá hai;
Par sharír aur zulmdost se us kí rúh ko nafrat hai.
6Wuh sharíroṉ par phande barsáegá:
Ág aur gandhak aur lú un ke piyále ká hissa hogá.
7Kyúṉki Ḳhudáwand sádiq hai; wuh sadáqat ko pasand kartá hai:
Rástbáz us ká dídár hásil kareṉge.
Currently Selected:
Zabúr 11: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
