Zabúr 1
1
PAHLÍ KITÁB
1Mubárak hai wuh ádmí jo sharíroṉ kí saláh par nahíṉ chaltá,
Aur ḳhatákároṉ kí ráh meṉ khaṛá nahíṉ hotá,
Aur ṭhaṭṭhebázoṉ kí majlis meṉ nahíṉ baiṭhtá.
2Balki Ḳhudáwand kí sharí‘at meṉ us kí ḳhushnúdí hai;
Aur usí kí sharí‘at par din rát us ká dhyán rahtá hai.
3Wuh us daraḳht kí mánind hogá, jo pání kí nadiyoṉ ke pás lagáyá gayá hai;
Jo apne waqt par phaltá hai,
Aur jis ká pattá bhí nahíṉ murjhátá;
So jo kuchh wuh kare bárwar hogá.
4Sharír aise nahíṉ;
Balki wuh bhúse kí mánind haiṉ jise hawá uṛá le játí hai.
5Is liye sharír ‘adálat meṉ qáim na raheṉge,
Na ḳhatákár sádiqoṉ kí jamá‘at meṉ.
6Kyúṉki Ḳhudáwand sádiqoṉ kí ráh jántá hai:
Par sharíroṉ kí ráh nábúd ho jáegí.
Currently Selected:
Zabúr 1: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
