Zabúr 2
2
1Qaumeṉ kis liye taish meṉ haiṉ,
Aur log kyúṉ bátil ḳhayál báṉdhte haiṉ?
2 Ḳhudáwand aur us ke masíh ke ḳhiláf
Zamín ke bádsháh saffáráí karke
Aur hákim ápas meṉ mashwara karke kahte haiṉ,
3Áo, ham un ke bandhan toṛ ḍáleṉ,
Aur un kí rassiyáṉ apne úpar se utár pheṉkeṉ.
4Wuh jo ásmán par taḳhtnishín hai haṉsegá:
Ḳhudáwand un ká mazhaka uṛáegá.
5Tab wuh apne g̣azab meṉ un se kalám karegá,
Aur apne qahr i shadíd meṉ un ko pareshán kar degá.
6Maiṉ to apne bádsháh ko
Apne koh i muqaddas Siyyún par biṭhá chuká húṉ.
7Maiṉ us farmán ko bayán karúṉgá:
Ḳhudáwand ne mujh se kahá, Tú merá beṭá hai;
Áj tú mujh se paidá húá.
8Mujh se máṉg, aur maiṉ qaumoṉ ko terí mírás ke liye,
Aur zamín ke intiháí hisse terí milkíyat ke liye tujhe baḳhshúṉgá.
9Tú un ko lohe ke ‘asá se toṛegá:
Kumhár ke bartan kí tarah tú un ko chaknáchúr kar ḍálegá.
10Pas ab, ai bádsháho, dánishmand bano:
Ai zamín ke ‘adálat karnewálo, tarbiyat páo.
11Ḍarte húe Ḳhudáwand kí ‘ibádat karo,
Káṉpte húe ḳhushí manáo.
12Beṭe ko chúmo, aisá na ho ki wuh qahr meṉ áe, aur tum ráste meṉ halák ho jáo;
Kyúṉki us ká g̣azab jald bhaṛakne ko hai.
Mubárak haiṉ wuh sab jin ká tawakkul us par hai.
Currently Selected:
Zabúr 2: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
