Amsál 22
22
1Neknám beqiyás ḳhazáne se,
Aur ihsán sone chándí se bihtar hai.
2Amír o g̣aríb ek dúsre se milte haiṉ,
Un sab ká ḳháliq Ḳhudáwand hí hai.
3Hoshyár balá ko dekhkar chhip játá hai;
Lekin nádán baṛhe chale játe aur nuqsán uṭháte haiṉ.
4Daulat aur ‘izzat o hayát
Ḳhudáwand ke ḳhauf aur firotaní ká ajr haiṉ.
5Kajrau kí ráh meṉ káṉṭe aur phande haiṉ:
Jo apní ján kí nigahbání kartá hai un se dúr rahegá.
6Laṛke kí us ráh meṉ tarbiyat kar jis par use jáná hai,
Wuh búṛhá hokar bhí us se nahíṉ muṛegá.
7Máldár miskín par hukmrán hotá hai,
Aur qarz lenewálá qarz denewále ká naukar hai.
8Jo badí botá hai musíbat káṭegá,
Aur us ke qahr kí láṭhí ṭúṭ jáegí.
9Jo neknazar hai barakat páegá,
Kyúṉki wuh apní roṭí meṉ se miskínoṉ ko detá hai.
10Ṭhaṭṭhá karnewále ko nikál de to fasád játá rahegá,
Háṉ, jhagṛá ragṛá aur ruswáí dúr ho jáeṉge.
11Jo pákdilí ko cháhtá hai us ke hoṉṭhoṉ meṉ lutf hai,
Aur bádsháh us ká dostdár hogá.
12 Ḳhudáwand kí áṉkheṉ ‘ilm kí hifázat kartí haiṉ,
Aur wuh dag̣ábázoṉ ke kalám ko ulaṭ detá hai.
13Sust ádmí kahtá hai, Báhar sher khaṛá hai;
Maiṉ galíoṉ meṉ pháṛá jáúṉgá.
14Begána ‘aurat ká muṉh gahrá gaṛhá hai;
Us meṉ wuh girtá hai jis se Ḳhudáwand ko nafrat hai.
15Hamáqat laṛke ke dil se wábasta hai,
Lekin tarbiyat kí chhaṛí us ko us se dúr kar degí.
16Jo apne fáide ke liye miskín par zulm kartá hai,
Aur jo máldár ko detá hai yaqínan muhtáj ho jáegá.
17Apná kán jhuká aur dánáoṉ kí báteṉ sun,
Aur merí ta‘lím par dil lagá.
18Kyúṉki yih pasandída hai ki tú un ko apne dil meṉ rakkhe,
Aur wuh tere laboṉ par qáim raheṉ.
19Táki terá tawakkul Ḳhudáwand par ho,
Maiṉ ne áj ke din tujh ko, háṉ tujh hí ko, jatá diyá hai.
20Kyá maiṉ ne tere liye mashwarat aur ‘ilm kí latíf báteṉ
Is liye nahíṉ likhí haiṉ, ki
21Sachcháí kí bátoṉ kí haqíqat tujh par záhir kar dúṉ,
Táki tú sachchí báteṉ hásil karke apne bhejnewáloṉ ke pás wápas jáe?
22Miskín ko is liye na lúṭ ki wuh miskín hai,
Aur musíbatzada par ‘adálatgáh meṉ zulm na kar;
23Kyúṉki Ḳhudáwand un kí wakálat karegá,
Aur un ke g̣áratgaroṉ kí ján ko g̣árat karegá.
24G̣ussawar ádmí se dostí na kar,
Aur g̣azabnák shaḳhs ke sáth na já:
25Mabádá tú us kí rawisheṉ síkhe,
Aur apní ján ko phande meṉ phaṉsáe.
26Tú un meṉ shámil na ho jo háth par háth márte haiṉ;
Aur na un meṉ jo qarz ke zámin hote haiṉ.
27Kyúṉki agar tere pás adá karne ko kuchh na ho
To wuh terá bistar tere níche se kyúṉ kheṉch le jáe?
28Un qadím hudúd ko na sarká
Jo tere bápdádá ne báṉdhí haiṉ.
29Tú kisí ko us ke kám meṉ mihnatí dekhtá hai?
Wuh bádsháhoṉ ke huzúr khaṛá hogá;
Wuh kamqadr logoṉ kí ḳhidmat na karegá.
Currently Selected:
Amsál 22: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
