Popular Bible Verses from Amsál 22

Share

Laṛke kí us ráh meṉ tarbiyat kar jis par use jáná hai, Wuh búṛhá hokar bhí us se nahíṉ muṛegá.

Daulat aur ‘izzat o hayát ḲHUDáWAND ke ḳhauf aur firotaní ká ajr haiṉ.

Neknám beqiyás ḳhazáne se, Aur ihsán sone chándí se bihtar hai.

G̣ussawar ádmí se dostí na kar, Aur g̣azabnák shaḳhs ke sáth na já

Jo neknazar hai barakat páegá, Kyúṉki wuh apní roṭí meṉ se miskínoṉ ko detá hai.

Hoshyár balá ko dekhkar chhip játá hai; Lekin nádán baṛhe chale játe aur nuqsán uṭháte haiṉ.

Máldár miskín par hukmrán hotá hai, Aur qarz lenewálá qarz denewále ká naukar hai.

Amír o g̣aríb ek dúsre se milte haiṉ, Un sab ká ḳháliq ḲHUDáWAND hí hai.

Miskín ko is liye na lúṭ ki wuh miskín hai, Aur musíbatzada par ‘adálatgáh meṉ zulm na kar; Kyúṉki ḲHUDáWAND un kí wakálat karegá, Aur un ke g̣áratgaroṉ kí ján ko g̣árat karegá.