Aiyúb 8
8
1Tab Bildad Súḳhí kahne lagá,
2Tú kab tak aise hí baktá rahegá?
Aur tere muṉh kí báteṉ kab tak áṉdhí kí tarah hoṉgí?
3Kyá Ḳhudá beinsáfí kartá hai?
Kyá Qádir i mutlaq ‘adl ká ḳhún kartá hai?
4Agar tere farzandoṉ ne us ká gunáh kiyá hai,
Aur us ne unheṉ un hí kí ḳhatá ke hawále kar diyá;
5Taubhí agar tú Ḳhudá ko ḳhúb ḍhúṉḍhtá,
Aur Qádir i mutlaq ke huzúr minnat kartá;
6To agar tú pákdil aur rástbáz hotá,
To wuh zarúr ab tere liye bedár ho játá,
Aur terí rástbází ke maskan ko baromand kartá.
7Aur agarchi terá ág̣áz chhoṭá sá thá,
Taubhí terá anjám bahut baṛá hotá.
8Zará pichhle zamáne ke logoṉ se púchh,
Aur jo kuchh un ke bápdádá ne tahqíq kí hai, us par dhiyán kar:
9(Kyúṉki ham to kal ke haiṉ, aur kuchh nahíṉ jánte,
Aur hamáre din zamín par sáye kí mánind haiṉ.)
10Kyá wuh tujhe na sikháeṉge, aur na batáeṉge,
Aur apne dil kí báteṉ nahíṉ kareṉge?
11Kyá nágarmothá bag̣air kíchaṛ ke ug saktá hai?
Kyá sarkanḍá bag̣air pání ke baṛh saktá hai?
12Jab wuh hará hí hai, aur káṭá bhí nahíṉ gayá,
Taubhí âur paudoṉ se pahle súkh játá hai.
13Aisí hí un sab kí ráheṉ haiṉ, jo Ḳhudá ko bhúl játe haiṉ;
Beḳhudá ádmí kí ummed ṭúṭ jáegí:
14Us ká i‘timád játá rahegá,
Aur us ká bharosá makṛí ká jálá hai.
15Wuh apne ghar par ṭek lagáegá, lekin wuh khaṛá na rahegá;
Wuh use mazbútí se thámegá, par wuh qáim na rahegá.
16Wuh dhúp pákar hará bhará ho játá hai,
Aur us kí ḍáliyáṉ usí ke bág meṉ phailtí haiṉ.
17Us kí jaṛeṉ ḍher meṉ lipṭí húí haiṉ,
Wuh pattharoṉ kí jagah ko dekh letá hai.
18Agar wuh apní jagah se nest kiyá jáe,
To wuh us ká inkár karke kahne lagegí, ki Maiṉ ne tujhe dekhá hí nahíṉ.
19Dekh, us kí ráh kí ḳhushí itní hí hai,
Aur miṭṭí meṉ se dúsre ug áeṉge.
20Dekh, Ḳhudá kámil ádmí ko chhoṛ na degá;
Na wuh badkirdároṉ ko sambhálegá.
21Wuh ab bhí tere muṉh ko haṉsí se bhar degá,
Aur tere laboṉ ko lalkár kí áwáz se.
22Tere nafrat karnewále sharm ká jáma pahineṉge;
Aur sharíroṉ ká ḍerá qáim na rahegá.
Currently Selected:
Aiyúb 8: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
