Aiyúb 35
35
1Is ke ‘aláwa Ilíhú ne yih bhí kahá:
2Kyá tú ise apná haqq samajhtá hai,
Yá yih da‘wá kartá hai ki terí sadáqat Ḳhudá kí sadáqat se ziyáda hai,
3Jo tú kahtá hai, ki Mujhe is se kyá nafa‘ milegá?
Aur, Mujhe is meṉ gunahgár hone kí nisbat kaun sá ziyáda fáida hogá?
4Maiṉ tujhe aur tere sáth
Tere rafíqoṉ ko jawáb dúṉgá.
5Ásmán kí taraf nazar kar aur dekh,
Aur aflák par, jo tujh se baland haiṉ, nigáh kar.
6Agar tú gunáh kartá hai, to us ká kyá bigáṛtá hai?
Aur agar terí taqsíreṉ baṛh jáeṉ, to tú us ká kyá kartá hai?
7Agar tú sádiq hai, to us ko kyá de detá hai?
Yá use tere háth se kyá mil játá hai?
8Terí sharárat tujh jaise ádmí ke liye hai,
Aur terí sadáqat ádamzád ke liye.
9Zulm kí kasrat kí wajh se wuh chilláte haiṉ,
Zabardast ke bázú ke sabab se wuh madad ke liye duháí dete haiṉ.
10Par koí nahíṉ kahtá, ki Ḳhudá merá ḳháliq kaháṉ hai,
Jo rát ke waqt nag̣me ‘ináyat kartá hai,
11Jo ham ko zamín ke jánwaroṉ se ziyáda ta‘lím detá hai,
Aur hameṉ hawá ke parandoṉ se ziyáda ‘aqlmand banátá hai?
12Wuh duháí dete haiṉ, par koí jawáb nahíṉ detá;
Yih bure ádmíoṉ ke g̣urúr ke sabab se hai.
13Yaqínan Ḳhudá batálat ko nahíṉ sunegá,
Aur Qádir i mutlaq us ká liház na karegá;
14Ḳhasskar jab tú kahtá hai, ki tú use dekhtá nahíṉ,
Muqaddama us ke sámne hai, aur tú us ke liye ṭhahrá húá hai.
15Par ab chúṉki us ne apne g̣azab meṉ sazá na dí,
Aur wuh g̣urúr ká ziyáda ḳhayál nahíṉ kartá;
16Is liye Aiyúb ḳhudbíní ke sabab se apná muṉh kholtá hai,
Aur nádání se báteṉ banátá hai.
Currently Selected:
Aiyúb 35: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
