Aiyúb 23
23
1Tab Aiyúb ne jawáb diyá:
2Merí shikáyat áj bhí talḳh hai:
Merí már mere karáhne se bhí bhárí hai.
3Kásh ki mujhe ma‘lúm hotá ki wuh mujhe kaháṉ mil saktá hai,
Táki maiṉ ‘ain us kí masnad tak pahuṉch játá!
4Maiṉ apná mu‘ámala us ke huzúr pesh kartá,
Aur apná muṉh dalíloṉ se bhar letá.
5Maiṉ un lafzoṉ ko ján letá, jin meṉ wuh mujhe jawáb detá,
Aur jo kuchh wuh mujh se kahtá, maiṉ samajh letá.
6Kyá wuh apní qudrat kí ‘azmat meṉ mujh se laṛtá?
Nahíṉ; balki wuh merí taraf tawajjuh kartá.
7Rástbáz waháṉ us ke sáth bahs kar sakte;
Yúṉ maiṉ apne munsif ke háth se hamesha ke liye riháí pátá.
8Dekho, maiṉ áge játá húṉ, par wuh waháṉ nahíṉ;
Aur píchhe haṭtá húṉ, par maiṉ use dekh nahíṉ saktá:
9Báeṉ háth phirtá húṉ, jab wuh kám kartá hai, par wuh mujhe dikháí nahíṉ detá:
Wuh dahine háth kí taraf chhip játá hai, aisá ki maiṉ use dekh nahíṉ saktá.
10Lekin wuh us ráste ko, jis par maiṉ chaltá húṉ, jántá hai;
Jab wuh mujhe tá legá, to maiṉ sone kí mánind nikal áúṉgá.
11Merá páṉw us ke qadamoṉ se lagá rahá hai;
Maiṉ us ke ráste par chaltá rahá húṉ, aur bargashta nahíṉ húá.
12Maiṉ us ke laboṉ ke hukm se haṭá nahíṉ;
Maiṉ ne us ke muṉh kí bátoṉ ko apní zarúrí ḳhurák se bhí ziyáda zaḳhíra kiyá.
13Lekin wuh ek ḳhayál meṉ rahtá hai, aur kaun us ko phirá saktá hai?
Aur jo kuchh us ká jí cháhtá hai, wuh kartá hai.
14Kyúṉki jo kuchh mere liye muqarrar hai wuh púrá kartá hai;
Aur bahut sí aisí báteṉ us ke háth meṉ haiṉ.
15Isí liye maiṉ us ke huzúr meṉ ghabrá játá húṉ;
Maiṉ jab sochtá húṉ, to us se ḍar játá húṉ.
16Kyúṉki Ḳhudá ne mere dil ko bodá kar ḍálá hai,
Aur Qádir i mutlaq ne mujh ko ghabrá diyá hai:
17Is liye ki maiṉ is zulmat se pahle káṭ ḍálá na gayá,
Aur us ne baṛí táríkí ko mere sámne se na chhipáyá.
Currently Selected:
Aiyúb 23: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
