Aiyúb 18
18
1Tab Bildad Súḳhí ne jawáb diyá:
2Tum kab tak lafzoṉ kí justojú meṉ rahoge?
G̣aur kar lo, phir ham boleṉge.
3Ham kyúṉ jánwaroṉ kí mánind samjhe játe,
Aur tumhárí nazar meṉ nápák ṭhahre haiṉ?
4Tú jo apne qahr meṉ apne ko pháṛtá hai,
To kyá zamín tere sabab se ujaṛ jáegí?
Yá chaṭán apní jagah se haṭá dí jáegí?
5Balki sharír ká chirág̣ gul kar diyá jáegá,
Aur us kí ág ká shu‘la benúr ho jáegá.
6Raushní us ke ḍere meṉ táríkí ho jáegí,
Aur jo chirág̣ us ke úpar hai, bujhá diyá jáegá.
7Us kí quwwat ke qadam chhoṭe kiye jáeṉge,
Aur usí kí maslahat use níche giráegí.
8Kyúṉki wuh apne hí páṉwoṉ se jál meṉ phaṉstá hai,
Aur phandoṉ par chaltá hai.
9Dám us kí eṛí ko pakaṛ legá,
Aur jál us ko phaṉsá legá.
10Kamand us ke liye zamín meṉ chhipá dí gayí hai,
Aur phandá us ke liye ráste meṉ rakkhá gayá hai.
11Dahshatnák chízeṉ har taraf se use ḍaráeṉgí,
Aur us ke darpai hokar use bhagáeṉgí.
12Us ká zor bhúk ká márá hogá,
Aur áfat us ke shámilhál rahegí.
13Wuh us ke jism ke a‘zá ko khá jáegí,
Balki maut ká pahlauṭhá us ke a‘zá ko chaṭ kar jáegá.
14Wuh apne ḍere se, jis par us ká bharosá hai, ukháṛ diyá jáegá,
Aur dahshat ke bádsháh ke pás pahuṉcháyá jáegá.
15Wuh jo us ká nahíṉ us ke ḍere meṉ basegá,
Us ke makán par gandhak chhitráí jáegí.
16Níche us kí jaṛeṉ sukháí jáeṉgí,
Aur úpar us kí ḍálí káṭí jáegí.
17Us kí yádgár zamín par se miṭ jáegí,
Aur kúchoṉ meṉ us ká nám na hogá.
18Wuh raushní se andhere meṉ haṉká diyá jáegá,
Aur dunyá se khadeṛ diyá jáegá.
19Us ke logoṉ meṉ us ká na koí beṭá hogá na potá,
Aur jaháṉ wuh ṭiká húá thá, waháṉ koí us ká báqí na rahegá.
20Wuh jo píchhe ánewále haiṉ, us ke din par hairán hoṉge,
Jaise wuh jo pahle húe daṛ gaye the.
21Nárástoṉ ke maskan yaqínan aise hí haiṉ,
Aur jo Ḳhudá ko nahíṉ pahchántá, us kí jagah aisí hí hai.
Currently Selected:
Aiyúb 18: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
