Yasa‘iyáh 20
20
1Jis sál Sarjún sháh i Asúr ne Tartán ko Ashdúd kí taraf bhejá, aur us ne ákar Ashdúd se laṛáí kí, aur use fath kar liyá; 2us waqt Ḳhudáwand ne Yasa‘iyáh bin Ámús kí ma‘rifat yúṉ farmáyá, ki Já, aur ṭáṭ ká libás apní kamar se khol ḍál, aur apne páṉwoṉ se júte utár; so us ne aisá hí kiyá, wuh barahna aur naṉge páṉw phirá kartá thá. 3Tab Ḳhudáwand ne farmáyá, Jis tarah merá banda Yasa‘iyáh tín baras tak barahna aur naṉge páṉw phirá kiyá, táki Misríoṉ aur Kúshíoṉ ke báre meṉ nishán aur achambhá ho, 4usí tarah sháh i Asúr Misrí asíroṉ aur Kúshí jiláwatanoṉ ko kyá búṛhe kyá jawáṉ barahna aur naṉge páṉw aur beparda surínoṉ ke sáth Misríoṉ kí ruswáí ke liye le jáegá. 5Tab wuh hirásán hoṉge, aur Kúsh se jo un kí ummedgáh thí, aur Misr se jo un ká faḳhr thá sharminda hoṉge. 6Aur us waqt is sáhil ke báshinde kaheṉge, Dekho, hamárí ummedgáh ká yih hál húá, jis meṉ ham madad ke liye bháge, táki Asúr ke bádsháh se bach jáeṉ: pas ham kis tarah riháí páeṉ?
Currently Selected:
Yasa‘iyáh 20: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
