Húsí‘a 3
3
1 Ḳhudáwand ne mujhe farmáyá, Já, us ‘aurat se jo apne yár kí piyárí aur badkár hai, mahabbat rakh, jis tarah ki Ḳhudáwand baní Isráíl se jo g̣airma‘búdoṉ par nigáh karte haiṉ, aur kishmish ke kulche cháhte haiṉ mahabbat rakhtá hai. 2So maiṉ ne use pandrah rupaye, aur ḍeṛh ḳhomar jau dekar apne liye mol liyá, 3aur us se kahá, Tú muddat i daráz tak mujh par qaná‘at karegí, aur harámkárí se báz rahegí, aur kisí dúsre kí bíwí na banegí, aur maiṉ bhí tere liye yúṉ hí rahúṉgá. 4Kyúṉki baní Isráíl bahut dinoṉ tak bádsháh, aur hákim, aur qurbání, aur sutún, aur afod, aur tiráfím ke bag̣air raheṉge: 5is ke ba‘d baní Isráíl rujú‘ láeṉge, aur Ḳhudáwand apne Ḳhudá ko aur apne bádsháh Dáúd ko ḍhúṉḍheṉge; aur áḳhirí dinoṉ meṉ ḍarte húe Ḳhudáwand aur us kí mihrbání ke tálib hoṉge.
Currently Selected:
Húsí‘a 3: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
