‘Ámús 4
4
1Ai Basan kí gáeo, jo koh i Sámariya par rahtí ho, aur g̣aríboṉ ko satátí, aur miskínoṉ ko kuchaltí, aur apne málikoṉ se kahtí ho, Láo, ham píeṉ: tum yih bát suno. 2Ḳhudáwand Ḳhudá ne apní pákízagí kí qasam kháí hai, ki Tum par wuh din áeṉge, jab tum ko áṉkṛiyoṉ se, aur tumhárí aulád ko shastoṉ se kheṉch le jáeṉge. 3Aur Ḳhudáwand farmátá hai, Tum meṉ se har ek us raḳhne se jo us ke sámne hogá nikal bhágegí; aur tum qaid meṉ ḍálí jáogí.
4Baitel meṉ áo, aur gunáh karo; aur Jiljál meṉ kasrat se gunáh karo; har subh apní qurbáníáṉ, aur har tísre roz dahyakí láo: 5aur shukrguzárí ká hadya ḳhamír ke sáth ág par guzráno, aur razá kí qurbání ká i‘lán karo, aur us ko mashhúr karo: kyúṉki ai baní Isráíl, yih sab kám tum ko pasand haiṉ, Ḳhudáwand Ḳhudá farmátá hai. 6Ḳhudáwand farmátá hai, Agarchi maiṉ ne tum ko tumháre har shahr meṉ dáṉtoṉ kí safáí, aur tumháre har makán meṉ roṭí kí kamí dí hai: taubhí tum merí taraf rujú‘ na láe. 7Aur agarchi maiṉ ne meṉh ko, jab ki fasl pakne meṉ tín mahíne báqí the, tum se rok liyá, aur ek shahr par barsáyá, aur dúsre se rok rakkhá; ek qit‘a zamín par barsá, aur dúsrá qit‘a bárish na hone ke bá‘is súkh gayá. 8Aur do tín bastiyáṉ áwára hokar ek bastí meṉ áíṉ, táki log pání píeṉ, par wuh ásúda na húe: taubhí tum merí taraf rujú‘ na láe, Ḳhudáwand farmátá hai. 9Phir maiṉ ne tum par bád i samúm aur gerúí kí áfat bhejí; aur tumháre beshumár bág̣, aur tákistán, aur anjíroṉ, aur zaitún ke daraḳht ṭiḍḍiyoṉ ne khá liye: taubhí tum merí taraf rujú‘ na láe, Ḳhudáwand farmátá hai. 10Maiṉ ne Misr kí sí wabá tum par bhejí; aur tumháre jawánoṉ ko talwár se qatl kiyá; tumháre ghoṛe chhín liye, aur tumhárí lashkargáh kí badbú tumháre nathnoṉ meṉ pahuṉchí; taubhí tum merí taraf rujú‘ na láe, Ḳhudáwand farmátá hai. 11Maiṉ ne tum se ba‘z ko ulaṭ diyá, jaise Sadúm aur ‘Amúrah ko ulaṭ diyá thá; aur tum us lukṭí kí mánind húe jo ág se nikálí jáe: taubhí tum merí taraf rujú‘ na láe, Ḳhudáwand farmátá hai. 12Pas ai Isráíl, maiṉ tujh se yúṉ hí karúṉgá: aur chúṉki maiṉ tujh se yúṉ karúṉgá, is liye ai Isráíl, tú apne Ḳhudá se muláqát kí taiyárí kar. 13Kyúṉki dekh, usí ne paháṛoṉ ko banáyá, aur hawá ko paidá kiyá, wuh insán par us ke ḳhayálát ko záhir kartá hai, aur subh ko tárík baná detá hai, aur zamín ke úṉche maqámát par chaltá hai; us ká nám Ḳhudáwand, Rabb u’l afwáj hai.
Currently Selected:
‘Ámús 4: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
