Зебур 37
37
Азап чеккеннинъ дувасы
1 #
Збр 69.1
Давутнынъ зебуры. Хатырлав ичюн.
2 #
Збр 6.2
Я РАББИ, ачувынъда тазирлеме мени,
гъазабынъда мени джезалама!
3 #
Текр 32.23; Эюп 6.4; Агъл 3.13 Сенинъ окъларынъ манъа санчылды,
къолунъ устюме агъыр басып тюшти.
4 #
Еш 1.6
Гъазабынъдан беденимде сагълам ер къалмады,
гуналарымдан кемиклерим раат олмай.
5 #
Узеир 9.6
Меним яманлыкъларым башымдан ташты,
агъыр юк киби, устюме басты.
6Акъылсызлыгъымдан яраларым иринлеп сасымакъта.
7Белим букюлип, чёкип къалдым,
кунь бою гъам ичип юрем.
8Белим атеш ичинде,
беденимде сагълам ер къалмады.
9Такъаттан кесильдим ве пек эзильдим,
юрегим сызлагъанынен къычырам.
10Я Рабби! Бутюн тилеклерим Сенинъ алдынъда,
агълагъаным Сенден гизли дегиль.
11Юрегим къалтырай, къуветтен кесильдим,
козьлеримнинъ ярыгъы биле сёнди.
12 #
Эюп 19.13-14; Збр 87.18 Мени джан-юректен севгенлер ве достларым
дердимден авлакъта туралар,
якъынларым да менден узакъта тура.
13Меним джанымны къыдыргъанлар къапкъан къоя;
манъа яманлыкъ истегенлер исе,
оледжегим акъкъында айтып,
эр кунь манъа къаршы фитне къуралар.
14 #
Еш 53.7
Мен исе, сагъыр киби, эшитмейим,
агъзыны ачалмагъан тильсизге ошайым.
15Мен агъзындан джевап чыкъмагъан,
эшитмеген адам олып къалдым.
16 #
Збр 38.8
Я РАББИ, умют этем Санъа,
я Рабби, Аллам, Сен джевап берерсинъ!
17Мен: «Душманларым тантана этмесин.
Аякъларым къалтырагъанда,
менден устюн олмасынлар», – дедим.
18Мен аз къалдым йыкъылмагъа,
къасеветим эр вакъыт огюмде.
19 #
Збр 31.5
Мен къабаатымны бойнума алдым,
гунам ичюн пешман этем.
20Душманларым исе тири ве кучьке тола,
себепсиз мени кореджек козю олмагъанлар чокълаша.
21 #
Збр 34.12; Икм 17.13; Йрм 18.20 Яхшылыгъыма яманлыкъ япкъан адамлар,
мен яхшылыкъ япкъаным ичюн,
манъа къаршы чыкъалар.
22 #
Збр 9.22; 34.22 Я РАББИ, мени ташлап кетме,
эй, Аллам, менден узакълашма!
23Манъа ярдымгъа ашыкъып кель,
я Рабби, меним Къуртарыджым!
Currently Selected:
Зебур 37: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
