Зебур 36
36
Инсафлыгъа одеме
Давутнынъ зебуры.
Алеф
1 #
Икм 3.31; 23.17; 24.19 Яманлыкъ япкъанлар ичюн къасевет этме,
къанунны бозгъанларгъа сукъланма!
2 #
Эюп 14.2; Збр 89.6 Олар, от киби, тезден чалынаджакъ,
ешиль осюмлик киби, солып кетеджеклер.
Беит
3РАББИге ишанып, яхшылыкъ яп,
ер юзюнде яшап, акъикъатны тут.
4 #
Эюп 22.26; Еш 58.14 РАББИден зевкъ ал,
ве О, санъа юрегинънинъ истеклерини берер.
Гимел
5 #
Икм 3.5; 16.3 Ёлунъны РАББИнинъ тарафына чевир,
Онъа ишан, ве О, арекет этеджек.
6 #
Къад 5.31; Еш 58.8 О, сенинъ акъикъатынъны, ярыкъ киби, парылдатыр,
догърулыгъынъны, уйле ярыгъы киби, япар.
Далет
7РАББИнинъ огюнде индемейип отур,
Онынъ джевабыны сабырнен бекле.
Яманлыкъ япкъанлар ичюн къасевет этме.
Хе
8Ачувынъны токътат, гъазабынъны ятыштыр,
тарсыкъма – бу шей тек белягъа алып бара.
9 #
Збр 24.13
Яманлыкъ япкъанлар къырылып ташланаджакъ,
РАББИден джевап беклегенлер исе ер юзюнинъ саиплери оладжакълар.
Вав
10 #
Эюп 7.10; 24.24 Бираздан сонъ ярамай адамлар ёкъ оладжакъ,
онынъ ерине бакъсанъ, анда ич кимсе ёкъ.
11 #
Икм 2.21; Мт 5.5 Алчакъгонъюллилер исе ер юзюнинъ саиплери оладжакъ,
олар аманлыкънынъ чокълугъынен зевкъ сюреджеклер.
Зайин
12 #
Эюп 16.9; Збр 34.16 Ярамай адам инсафлыгъа яманлыкъ тилей,
онъа къаршы тишлерини гъыджырдата.
13 #
Збр 2.4
РАББИ исе онынъ устюнден куле,
онынъ куню биткенини коре.
Хет
14Фукъарени ве факъырны ерге урмакъ ичюн,
догъру ёлдан юргенлерни ольдюрмек ичюн,
ярамай адамлар къылычыны чыкъара да, яйларыны тарталар.
15 #
1 Пад 2.4
Амма къылычлары озьлерининъ юрегине сапланаджакъ,
яйлары исе сындырылып парчаланаджакълар.
Тет
16 #
Икм 16.8
Инсафлынынъ къолундаки аз шей
чокъ инсафсызнынъ зенгинлигинден яхшыдыр,
17 #
Збр 9.36
чюнки инсафсызнынъ къудрети сындырылып кетеджек,
инсафлыларгъа исе РАББИ кучь береджек.
Ёд
18 #
Збр 1.6
РАББИ къабаатсызларнынъ куньлерини биле;
оларнынъ мирасы эбедиен оладжакъ.
19 #
3 Пад 17.6; Эюп 5.20; Збр 32.19 Агъыр заманда олар масхара олмаз,
ачлыкъ куньлеринде де ашап тояджакълар.
Каф
20 #
Збр 67.3; 101.4; Хош 13.3 Амма ярамайлар гъайып оладжакъ,
РАББИнинъ душманлары исе, къой ягъы киби,
тютюн ичинде ирип кетеджек.
Ламет
21Инсафсыз борджкъа алып, оны къайтармай,
инсафлы исе мерамет эте де, бере.
22Алла Озю О, разы олгъан адамларгъа
ер юзюни малы-мулькю киби береджек.
О, къаргъагъан адамлар исе къырылып ташланаджакълар.
Мим
23 #
Еш 26.7
РАББИ адамнынъ адымларыны догъурта,
ве О, онынъ ёлундан разы олур.
24 #
Икм 24.16; Микъа 7.8 Шу адам йыкъылгъанда биле, ерге тюшмез,
чюнки РАББИ онынъ къолуны тута.
Нун
25 #
Эюп 4.7; Збр 33.10-11; Икм 10.3 Мен яш эдим, энди къартайдым,
амма инсафлыны ташлап кеткенлерини,
я да онынъ сою отьмек тилегенини ич корьмедим.
26 #
Текр 15.8; Збр 111.5 Куньден-кунь о, мерамет эте ве борджкъа бере,
онынъ сою да адамларнынъ бахшышы олур.
Самек
27 #
Збр 33.15
Яманлыкътан баш тартып, яхшылыкъ яп,
о вакъыт эбедий яшайджакъсынъ.
28 #
Збр 96.10; Еш 14.20 РАББИ догърулыкъны севе,
О, Озь азизлерини ташлап кетмез.
Олар эбедий къорчаланаджакълар,
инсафсызларнынъ эвлятлары исе къырыладжакълар.
Айин
29Инсафлылар ер юзюнинъ саиплери олып,
анда эбедиен яшайджакъ.
Пе
30 #
Икм 10.31; 15.28 Инсафлынынъ агъзындан икмет чыкъа,
тили исе акъикъатны бильдире.
31 #
Текр 6.6; Збр 39.9; 118.11; Еш 51.7; Йрм 31.33 Алласынынъ Къануны онынъ юрегинде,
онынъ аякълары ич сарсылмаз.
Саде
32 #
Збр 9.29
Ярамай адамлар инсафлынынъ артындан бакъа,
оны ольдюрмек ичюн чаре къыдыра.
33Лякин РАББИ инсафлыны оларнынъ къолуна бермез,
суд вакътында оны къабаатламагъа ёл бермез.
Коф
34 #
Збр 90.8; 91.12; Икм 29.16 РАББИден джевап бекле, Онынъ ёлуны тут.
Сени ер юзюнинъ саиби япмакъ ичюн,
РАББИ сени юксельтеджек.
Ярамайлар къырылгъан заманны
сен озюнъ кореджексинъ.
Реш
35Амансыз ярамай адамны корьдим:
чокъ пытакълы ешиль терек киби,
онынъ тесири артты.
36Амма о, кечип кетти, ёкъ олды,
оны къыдырсам да, тапмайым.
Шин
37Саф юреклиге козь ташла,
догъру яшагъан адамгъа бакъ!
Бойле адамнынъ келеджеги – аманлыкъ.
38 #
Збр 72.17
Амма Къанунны бозгъанлар эписи ёкъ этиледжек,
ярамайларнынъ келеджеги кесиледжек.
Тав
39 #
Збр 3.9; Еш 43.11; Юнус 2.10 Инсафлыларнынъ къуртулышы РАББИден келир,
къайгъы заманында О, Озю оларгъа къале олур.
40 #
Збр 10.1
РАББИ оларгъа ярдым этер, оларны къорчалар,
ярамайларнынъ къолундан оларны сакълар.
Олар РАББИге сыгъынгъанлары ичюн,
О, оларны къуртарыр.
Currently Selected:
Зебур 36: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
