Зебур 38
38
Азап чеккен адамнынъ тёвбеси
1 #
1 Тар 16.41; 25.1; Збр 61.1; 76.1 Баш чалгъыджы ичюн. Едутун ичюн. Давутнынъ зебуры.
2 #
Эюп 2.10
«Тилимнен гуна япмамакъ ичюн,
мен юреджек ёлума бакъаджагъым;
ярамай адам къаршымда тургъанда,
агъзымны къапатып тутарым», – дедим.
3Тилимни тутып, агъзымны къапаттым,
эр бир яхшы лафны биле агъзыма алмадым,
лякин меним дердим даа артты.
4 #
Эюп 32.20; Йрм 6.11; 20.9 Юрегим ичимде туташты,
фикирлеримни атеш алды,
озь тилимнен лафны башладым:
5 #
Збр 89.12
«Я РАББИ, манъа омрюмнинъ сонъуны бильдир.
Куньлеримнинъ сайысы не къадар экен?
Аятымнынъ сынъырыны билейим!» – дедим.
6 #
Эюп 7.16; Збр 61.10; 88.48; 90.5; 93.10-11; 143.4; Джем 1.2 Сен манъа бир къарыш куньлер бердинъ,
Сенинъ огюнъде аятым бир шей дегиль.
Эр бир яшагъан адамнынъ омрю
акъикъатен ельнинъ эскенине ошай.
Сэла
7 #
Эюп 27.16-17; Збр 48.11; Джем 2.18 Керчектен де, адам, кольге киби, юре;
керчектен де, эр бир арекети бошуна.
Мал топлай, амма кимге къалдыраджагъыны бильмей.
8 #
Збр 37.16
Энди, я Рабби, мен нени беклейим?
Сендедир меним умютим!
9Бутюн къанунсызлыкъларымдан мени къуртар,
акъылсызнынъ акъаретине мени берме!
10Индемедим, агъзымны ачмадым,
чюнки бу Сенинъ ишинъдир.
11 #
Эюп 13.21
Сенден котек ашамамны четлештир,
ураджакъ къолунъдан мен ёкъ олам.
12Сен адамны джинаети ичюн къабаатлап,
джезасыны азырлап бересинъ,
онынъ къыйметли шейлерини, сюме киби, ёкъ этесинъ.
Керчектен де, эр бир инсаннынъ омрю ельнинъ эскенине ошай.
Сэла
13 #
4 Пад 20.5; 1 Тар 29.15; Збр 55.9; 118.19, 54 Дувамны эшит, я РАББИ,
къулакъ ас фигъаныма!
Козьяшларымны джевапсыз къалдырма!
Сенинъ янынъда мен бир ёлджум,
бутюн бабаларым киби, бир кельмешеким.
14 #
Эюп 7.19; 10.21-22 Манъа бакъма.
О бир дюньягъа кетип, ёкъ олмаздан эвель,
мен кене теселли тапарым!
Currently Selected:
Зебур 38: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
