Зебур 35
35
Алланынъ севгиси ве Къанун бозуджылыкъ
1Баш чалгъыджы ичюн. РАББИнинъ къулу акъкъында. Давутнынъ зебуры.
2 #
Рим 3.18
Ичимде юрегим ярамай адамнынъ
къанунсыз япкъанлары акъкъында айтып бере:
«Онынъ козю огюнде Алладан къоркъмакъ деген шей ёкъ».
3О, озь-озюне пек чокъ ялтакълана,
шунынъ ичюн озь гунасыны тапып оламаз
ве ондан нефретленмез.
4Онынъ агъзындан чыкъкъан сёзлер – айнеджилик ве ялан,
акъылланмагъа ве эйилик япмагъа даа истемез.
5 #
Икм 4.16; Микъа 2.1 О, яткъан тёшегинде беляны тюшюне,
яхшы олмагъан ёлгъа адым атып,
яманлыкътан юзь чевирмей.
6 #
Збр 56.11; 70.19; 107.5; Агъл 3.23 Я РАББИ, Сенинъ севгинъ коклергедже,
ишанчлылыгъынъ булутларгъа къадар!
7 #
Збр 103.14; 144.16; Рим 11.33 Догърулыгъынъ – буюк дагълар киби,
къарарларынъ исе – тюпсюз теренлик.
Инсан ве айванларны Сен къорчалайсынъ, я РАББИ!
8 #
Збр 16.8; 62.4 Эй, Алла, не де паалыдыр Сенинъ буюк севгинъ!
Къанатларынънынъ кольгесинде
адам огъуллары хавфсызлыкъ тапалар.
9Олар Сенинъ эвинънинъ энъ яхшы берекетинден тоялар;
Сен оларгъа татлы сувларынъдан ичмеге бересинъ.
10 #
Икм 10.11; 13.14; Йрм 2.13; Юх 1.9; 4.10; 1 Пётр 2.9; Сыр 22.5 Омюр чокърагъы Сендедир;
Сенинъ нурунъдан биз ярыкъ коремиз.
11 #
Йрм 22.16; Гал 4.9 Сени бильгенлерге севгинъни косьтермеге девам эт,
акъикъатынъны догъру юреклилерге бермеге девам эт!
12Макътангъан адамнынъ аягъы мени басмасын,
гунакярнынъ къолу мени эвсиз къалдырмасын.
13 #
Збр 1.5
Къанунны бозгъанлар ашагъы тюштилер,
олар йыкъылдылар ве турып оламайлар.
Currently Selected:
Зебур 35: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
