Зебур 34
34
Ярдым дувасы
Давутнынъ зебуры.
1 #
Еш 49.25
Я РАББИ, меннен давалашкъанларнен давалаш!
Меннен дженк эткенлернен дженк эт!
2Къорчалав алетлеринъни ве къалкъанынъны алып,
манъа ярдымгъа кель!
3Къылычынъны ве балтанъны чыкъарып,
мени къувалагъанларгъа къаршы чыкъ!
Джаныма айт: «Мен сени къуртарырым!».
4 #
Збр 39.15; 68.23-26; 108.6-15; Йрм 17.18 Джанымны къыдыргъанлар утансын
ве масхара олсун.
Манъа яманлыкъ истегенлер
аркъагъа къайтсын,
олар намусыны джойсунлар.
5 #
Эюп 21.18; Збр 1.4 РАББИнинъ Мелеги оларны,
ельде учып кеткен тобанны киби, айдасын.
6 #
Збр 72.18; Йрм 23.12 Оларнынъ ёлу къаранлыкъ ве тайгъалакъ олсун,
РАББИнинъ Мелеги оларны къуваласын.
7 #
Збр 56.7; 118.85; Йрм 18.20 Олар себепсиз мен ичюн гизли тузакъны азырлады,
себепсиз джаным ичюн чукъурны къазды.
8 #
Еш 47.11
Апансыздан оларнынъ башына олюм кельсин,
гизли тузакълары оларны тутсун,
озьлери онъа тюшип, гъайып олсун!
9 #
Лк 1.47
Меним джаным исе РАББИге къуванчнен къычырыр,
О берген къуртулышкъа севинир!
10 #
Чыкъ 15.11;
Эюп 5.15; Збр 70.19; 85.8; 88.7-9; 112.5 Бутюн кемиклерим дейджек:
«Я РАББИ, Сен эзильген адамны къуветлиден,
ёкъсул ве фукъарени баскъынджыдан къуртарасынъ.
Санъа ошагъан ким бар?»
11Къара ниетли шаатлар манъа къаршы чыкъты,
бильмеген шейлерим акъкъында мени соргъугъа чекти.
12 #
Збр 37.20; 108.5; Икм 17.13; Йрм 18.20 Яхшылыгъыма къаршы яманлыкъ япып,
джанымны оксюз къалдыралар.
13 #
Сай 29.7
Мен исе, олар хаста олгъанда, чувал урбасыны кийдим,
джанымны алчакълатып, аштан вазгечтим,
амма меним дувам озь багърыма джевапсыз къайтты.
14О, манъа достум ве къардашым киби эди;
бойле тюшюнип, мен яшадым.
Анасы ичюн козьяш тёккен адам киби,
мен кедерден башымны котермедим.
15Амма мен сюрюнгенде, олар къуванып топланды;
манъа уджюм эткенлер, мен бильмейим не ичюн,
манъа къаршы топлашты,
токътамайып мени къараладылар.
16 #
Эюп 16.9; Збр 36.12 Юзьлерини бурюштирип, мени мыскъылладылар,
манъа тишлерини гъыджырдаттылар.
17 #
Збр 21.21; Хав 1.13 Я Рабби, не вакъыткъадже бакъып тураджакъсынъ?
Джанымны оларнынъ зулумындан къуртар,
меним бир джанымны арсланлардан къорчала!
18 #
Збр 21.26
Буюк топлашувда Санъа шукюр этеджегим,
чокъ адамнынъ арасында Сени макътайджагъым!
19 #
Збр 29.2; 68.5; Юх 15.25 Бош ерде манъа душман олгъанлар тантана япмасын,
себепсиз нефрет эткенлер бири-бирине козь къыпмасын.
20Олар барышыкъны агъзына алмайлар,
ер юзюнде тынч яшагъан сакинлерге къаршы фитнеджилик япалар.
21 #
Агъл 2.16
Манъа агъызларыны кенъ ачып:
«Аха! Аха! Козюмиз корьди!» – дейлер.
22 #
Збр 9.22; 37.22 Я РАББИ, Сен буны корьдинъ,
индемейип отурма!
Я Рабби, менден узакълашма!
23 #
Збр 43.24; 77.65 Уян, арекет эт,
меним судумны, давамны чез,
я Рабби, меним Аллам!
24 #
Збр 7.9
Меним РАББИм ве Аллам,
мени Сенинъ догърулыгъынънен суд эт,
душманларым устюмден тантана этмесин!
25 #
Збр 39.16; 69.4;
Агъл 2.16
«Аха, тилегимиз беджерильди!» – юреклеринде айтмасынлар,
«Оны бутюнлей юттыкъ!» – демесинлер.
26Бахытсызлыгъыма къувангъанлар эписи утансын,
олар масхара олсун!
Манъа юксектен бакъкъанлар
утанч ве айыпны урба киби кийсин!
27Меним акълы чыкъаджагъымны истегенлер къуванчнен къычырсынлар,
даима: «Озь къулуна аманлыкъ тилеген
РАББИге макътавлар олсун!» – десинлер.
28 #
Збр 70.8
Сенинъ догърулыгъынъ тилимден тюшмез,
кунь бою Санъа макътавларым кесильмез!
Currently Selected:
Зебур 34: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
