Зебур 33
33
Алланынъ яхшылыгъына макътав
1 #
1 Пад 21.12-13
Давутнынъ зебуры. Давут Авимелекнинъ огюнде озюни делиликке урып, онынъ янындан къувулып кетти.
Алеф
2Эр вакъыт РАББИни алгъышлайым,
Онъа макътавларым тилимден тюшмез!
Беит
3 #
1 Пад 2.1
Джаным РАББИнен макътаныр,
алчакъгонъюллилер буны эшитип къуваныр!
Гимел
4Меннен берабер РАББИнинъ улулыгъыны бильдиринъиз;
айдынъыз, берабер Онынъ Адыны шерефлейик!
Далет
5 #
Збр 3.5
РАББИни чагъыргъанымда,
О, манъа джевап берди,
бутюн къоркъуларымдан мени къуртарды.
Хе
6Онъа бакъкъанларны ярыкъ къаплады,
оларнынъ бетлери энди къызармаз.
Зайин
7 #
Збр 17.1
Бу фукъаре чагъыргъанда, РАББИ эшитти,
бутюн белялардан оны къуртарды.
Хет
8 #
Эюп 33.23; Дан 6.22 РАББИнинъ Мелеги РАББИден къоркъкъанларны къорчалай
ве оларны къуртара.
Тет
9 #
Збр 2.12; 1 Пётр 2.3 Дамыны бакъынъыз, РАББИ не къадар эйидир!
Не къадар бахтлыдыр Онъа умют багълагъан адам!
Ёд
10 #
Збр 36.25; Икм 10.3 РАББИден къоркъунъыз, эй, Онынъ азизлери!
Ондан къоркъкъан адам ич мухтадж олмаз.
Каф
11 #
Эюп 4.10-11
Яш арсланлар къыйнала ве ач олалар;
РАББИни къыдыргъанлар исе ич бир яхшы шейден эксик олмаз.
Ламет
12Эй, огъулларым, келинъиз, мени динъленъиз!
РАББИден къоркъмакъны сизге огретейим.
Мим
13 #
1 Пётр 3.10-12
Гузель аят ве узун омюр севген,
яхшы куньлер корейим, деген адам ким?
Нун
14 #
Икм 13.3
Сенинъ тилинъ яман сёзлерни айтмасын,
сенинъ агъзынъ алдатмасын.
Самек
15 #
Збр 36.27; Еш 1.16-17; 3 Юх 1.11 Яманлыкътан къачып, яхшылыкъ яп,
муаббетни къыдырып, оны илерилет.
Айин
16 #
Эюп 36.7; Икм 15.29 РАББИнинъ козьлери инсафлыларгъа бакъа,
къулакълары ярдым фигъанларына ачыкъ.
Пе
17 #
Эюп 18.17; Икм 10.7 РАББИ яманлыкъ япкъанлардан юзь чевиреджек,
оларнынъ хатырасыны ер юзюнден ёкъ этеджек.
Саде
18Инсафлылар чагъырса, РАББИ эшитир,
бутюн белялардан оларны къорчалар.
Коф
19 #
Збр 50.19
РАББИ къырыкъ юрекли адамларгъа якъын,
О, рухтан тюшкенлерни къуртараджакъ.
Реш
20 #
Эюп 5.19; 2 Тим 3.11 Инсафлынынъ белялары чокъ олур,
амма РАББИ оны эписинден къуртарыр.
Шин
21 #
Юх 19.36
Кемиклерининъ ич бириси сынмасын деп,
О, оларнынъ эписини сакълар.
Тав
22Яманлыкъ ярамай адамны ольдюрир,
инсафлыдан нефретленгенлер де джезаланыр.
23РАББИ Озь къулларынынъ джаныны сатын алыр,
Онъа умют багълагъанлардан ич бириси джезаланмаз!
Currently Selected:
Зебур 33: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
